ନୂଆଦିଲ୍ଲୀ: ଆଇପିଏଲ ୨୦୨୩ ମିନି ଅକ୍ସନ ପୂର୍ବରୁ ଆସିଛି ଏକ ବଡ ଅପଡେଟ । ୟୁନିଭର୍ସ ବସ୍ କ୍ରିସ ଗେଲ ପୁଣି ଆଇପିଏଲକୁ ଫେରୁଥିବା ନେଇ ସୂଚନା ମିଳିଛି । ଏହାପୂର୍ବରୁ ପ୍ରତ୍ୟେକ ଦଳ ନିଜ ନିଜର ଖେଳାଳିମାନଙ୍କର ଲିଷ୍ଟ ଦେଇ ସାରିଛନ୍ତି । ତେବେ ଏହି ତାଲିକାରେ କ୍ରିସ ଗେଲଙ୍କ ନାମ ରହି ନଥିଲା । ସେ ଆଇପିଏଲରୁ ଚଳିତ ଅକ୍ସନରୁ ସେ ନିଜେ ଓହରି ଯିବା ସହ ଅକ୍ସନ ପାଇଁ ନାଁ ରେଜିଷ୍ଟ୍ରେସନ କରି ନଥିଲେ ଗେଲ୍ । ଅର୍ଥାତ ସେ ଲିଗରେ ଖେଳିବା ପାଇଁ ଆଉ ଇଚ୍ଚା ପ୍ରକାଶ କରୁନାହାନ୍ତି ।
ତେବେ କ୍ରିସ ଗେଲ ଏହି ବର୍ଷ ମିନି ଅକ୍ସନରେ ଆଇପିଏଲ ସହ ଯୋଡି ହେବାକୁ ଯାଉଛନ୍ତି । ବାସ୍ତବରେ, ଆଇପିଏଲ ୨୦୨୩ ର ଡିଜିଟାଲ୍ ମିଡିଆ ଅଧିକାର ବଏକମ୧୮ ସହିତ ଅଛି, ତେଣୁ ମିନି ନିଲାମର ଲାଇଭ୍ ଟେଲିକାଷ୍ଟ ଜିଓ ସିନେମାରେ କରାଯିବ । ଜିଓ ସିନେମା ଦ୍ୱାରା ଏକ ଟୁଇଟ୍ କରାଯାଇଛି ଯେଉଁଥିରେ ଦର୍ଶାଯାଇଛି ଯେ ଗେଟ ଷ୍ଟ୍ରୋମ ଟାଟା ଆଇପିଏଲକୁ ଆସୁଛନ୍ତି। ୨୩ ଡିସେମ୍ବରରେ ଜିଓ ସିନେମାରେ ଟ୍ୟୁନ୍ କରନ୍ତୁ । ଯଦିଓ ଏହି ଟୁଇଟ୍ ରେ ଅଧିକ ଉଲ୍ଲେଖ କରାଯାଇ ନାହିଁ, କିନ୍ତୁ ନିଲାମ ଦିନ କ୍ରିସ୍ ଗେଲ୍ ଜିଓ ସିନେମାରେ ଏକ ବିଶେଷ ଅତିଥି ଭାବରେ ଉପସ୍ଥିତ ରହିବେ ବୋଲି ବିଶ୍ୱାସ କରାଯାଏ । ଯେତେବେଳେ ବିରତି ହେବ, କ୍ରିସ୍ ଗେଲ୍ ଜଣେ ବିଶେଷଜ୍ଞ ଭାବରେ କିଛି ମନ୍ତବ୍ୟ ଦେବେ ।
କ୍ରିସ୍ ଗେଲ୍ ଏପର୍ୟ୍ୟନ୍ତ ଆଇପିଏଲରେ ତିନୋଟି ଦଳ ପାଇଁ ଖେଳିଛନ୍ତି । ପ୍ରଥମେ ସେ କେକେଆର୍ ସହିତ ଥିଲେ, ତା’ପରେ ଆରସିବି ଏବଂ ଶେଷରେ ତାଙ୍କୁ ପଞ୍ଜାବ କିଙ୍ଗ୍ସ ପାଇଁ ଖେଳୁଥିବା ମଧ୍ୟ ଦେଖିବାକୁ ମିଳିଥିଲା । କ୍ରିସ୍ ଗେଲ ଆଇପିଲରେ ମୋଟ ୧୪୨ ମ୍ୟାଚ୍ ଖେଳିଛନ୍ତି ଏବଂ ହାରାହାରି ୩୯.୭୨ ରେ ୪୯୬୫ ରନ୍ କରିଛନ୍ତି । ତାଙ୍କର ଷ୍ଟ୍ରାଇକ୍ ରେଟ ୧୪୮.୯୬ ରହିଛି । ଆଇପିଏଲରେ ତାଙ୍କର ସର୍ବାଧିକ ସ୍କୋର ହେଉଛି ୧୭୫ ରନ୍, ଯାହାକି ଏପର୍ୟ୍ୟନ୍ତ ଭାଙ୍ଗି ନାହିଁ । କ୍ରିସ୍ ଗେଲ୍ ତାଙ୍କ କ୍ୟାରିଅର୍ ସମୟରେ ୪୦୫ ଚୌକା ଏବଂ ୩୫୭ଟି ଛକା କରିଛନ୍ତି । ଏବେ କ୍ରିସ୍ ଗେଲଙ୍କୁ ଏକ ନୂଆ ରୂପରେ ଦେଖିବାକୁ ମିଳିବ ଜ୍ଝ ଏହି ନୂଆ ଇନିଂସରେ ସେ କିପରି ପ୍ରଦର୍ଶନ କରନ୍ତି ତାହା ଦେଖିବାକୁ ପଡ଼ିବ ।
