ଗୋରୁ ବୋଝେଇ ଟ୍ରକ ଓଲଟି ୩ ମୃତ

ଜଳେଶ୍ୱର: ଜଳେଶ୍ୱର ନିକଟରେ ଏକ ଅଘଟଣ ଘଟିଯାଇଛି । ଏକ ଗୋରୁ ବୋଝେଇ ଟ୍ରକ ଓଲଟି ଯିବାରୁ ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଛି । ଟ୍ରକରେ ଥିବା ଶତାଧିକ ଗୋରୁଙ୍କ ମଧ୍ୟରୁ ୪୦ ଜଣଙ୍କର ମୃତ୍ୟୁ ହୋଇଛି । ମିଳିଥିବା ସୂଚନା ଅନୁଯାୟୀ, ଏନଏଚ-୬୦ର ବସ୍ତା ବାଇପାସ ନିକଟରେ ଏହି ଦୁର୍ଘଟଣା ଘଟିଛି । ଗୋରୁ ବୋଝେଇ ଟ୍ରକଟି ଆସୁଥିବା ବେଳେ ଏକ ବୋଲେରକୁ ଧକ୍କା ଦେଇଥିଲା । ପରେ ଗୋରୁ ବୋଝେଇ ଟ୍ରକଟି ଓଲଟି ପଡିଥିଲା । ଖବର ପାଇବା ପରେ ବସ୍ତା ପୋଲିସ ଏବଂ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।  କଣ୍ଟେନରରେ ଶତାଧିକ ଗୋରୁ ଲଦା ହୋଇ ଯାଉଥିଲେ। ଟ୍ରକଟି ଭଦ୍ରକରୁ ପଶ୍ଚିମବଙ୍ଗ ଅଭିମୁଖେ ଦ୍ରୁତଗତିରେ ଯାଉଥିଲା। ବାଟରେ ଏକ ବୋଲେରୋକୁ ଛପଟୁ ଧକ୍କା ଦେଇ ଟ୍ରକ୍‌ଟି ରାସ୍ତା କଡ଼କୁ ୧୦ ଫୁଟ ତଳକୁ ଖସି ପଡ଼ିଲା।  ଫଳରେ  କଣ୍ଟେନରରେ ଥିବା ତିନିଜଣଙ୍କ ମୃତ୍ୟୁ ହୋଇଛି ।