ଟ୍ରେନ୍ ଉପରେ ଜିଅନ୍ତା ଜଳିଗଲେ

ରାୟଗଡା: ରାୟଗଡ଼ା ରେଳ ଷ୍ଟେସନରେ ଭୟଙ୍କର ଦୁର୍ଘଟଣା । ମାଲବାହୀ ଟ୍ରେନ ଉପରେ ଜଣେ ବୃଦ୍ଧ ହଠାତ୍ ଚଢିଯାଇଥିଲେ । ଟ୍ରେନ ଉପରେ ଠିଆ ହୋଇ ହାତ ଉପରକୁ ଉଠାଇବାରୁ ବିଦ୍ୟୁତ ତାର ସଂସ୍ପର୍ଶରେ ଆସି ଜଳିଗଲେ । କ୍ୟାମେରାରେ କଏଦ ହୋଇଛି ସେହି ଭୟଙ୍କର ଚିତ୍ର  । ବିଦ୍ୟୁତ ତାର ସଂସ୍ପର୍ଶରେ ଆସିବା ହଠାତ୍ ନିଆଁ ଜଳିଗଲା ଓ ସାଙ୍ଗେ ସାଙ୍ଗେ ତଳେ ପଡ଼ିଗଲେ ବୃଦ୍ଧ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ଆରପିଏଫ୍ । ସୂଚନା ଅନୁସାରେ ନୂଆପଡା ଜିଲ୍ଲା ରାଜଖାରିଆର ଥାନା ଅନ୍ତର୍ଗତ ବଡନାଳ ଗାଁର ୫୫ ବର୍ଷ ବୟସ୍କ ନରସିଂହ କାଣ୍ଡା ଦାଦନ ଖଟି ଘରକୁ ଫେରୁଥିଲେ । ରେଳ ଷ୍ଟେସନରେ ଏକ ମାଲବାହୀ ଟ୍ରେନ ଛିଡା ହୋଇଥିବା ଦେଖି ନିଶାସକ୍ତ ଅବସ୍ଥାରେ ଟ୍ରେନ ଉପରକୁ ଚଢିଯାଇଥିଲେ । ମାଲଗାଡି ଉପରେ ଚଢିଥିବା ଦୁଇ ହାତ ଉପରକୁ ଟେକିବା ସମୟରେ ଉପରେ ଥିବା ଉଚ୍ଚ କ୍ଷମତା ସଂପନ୍ନ ବିଜୁଳି ତାର ସଂସ୍ପର୍ଶରେ ଆସିଥିଲେ । ତାଙ୍କୁ ଗୁରୁତର ଅବସ୍ଥାରେ ରାୟଗଡା ଡାକ୍ତରଖାନରେ ଭର୍ତ୍ତି କରାଯାଇଛି ।