କୋଲକାତା : ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହା, ପଶ୍ଚିମବଙ୍ଗ ନିର୍ବାଚନକୁ ନେଇ ଦାବି କରିଛନ୍ତିଯେ, ତାଙ୍କ ଦଳ ବିଧାନସଭା ନିର୍ବାଚନରେ ୨୦୦ରୁ ଅଧିକ ଆସନରେ ବିଜୟୀ ହେବ । ଅମିତ ଶାହା ମେଦିନୀପୁର ଠାରେ ମଙ୍ଗଳବାର ଦିନ ଏକ ରୋଡ ସୋ କରିଥିଲେ । ଏହି ରୋଡ ସୋ ରେ ସେ କହିଥିଲେ ଯେ, କୋଲକାତାରେ ସରକାର ବଦଳିବା ପାଇଁ ଲୋକଙ୍କ ପାଖରୁ ସଙ୍କେତ ମିଳୁଛି । ଏହିଥର ଭାରତୀୟ ଜନତା ପାର୍ଟି ୨୦୦ରୁ ଅଧିକ ଆସନ ରେ ଜିତିବ ଓ ପଶ୍ଚିବଙ୍ଗରେ ବିଜେପିର ସରକାର ହେବା ପାଇଁ ଯାଉଛି ।
ପଶ୍ଚିମବଙ୍ଗରେ ବିଜେପିର ନେତା ମାନଙ୍କୁ ବିଦେଶୀ କହିଥିବା ମମତା ବାନାର୍ଜୀଙ୍କ ବୟାନରେ ଅମିତ ଶାହା କହିଥିଲେ ଯେ, ପଶ୍ଚିମବଙ୍ଗର ପୁତ୍ର ହିଁ ପଶ୍ଚିମବଙ୍ଗର ମୁଖ୍ୟ ମନ୍ତ୍ରୀ ହେବେ । ଏହି ସମୟରେ ସେ କଂଗ୍ରେସ ଉପରେ ଆକ୍ରମଣ କରି ଏହାର ଧର୍ମନିରପେକ୍ଷତା ଉପରେ ମଧ୍ୟ ପ୍ରଶ୍ନ କରିଥିଲେ । କଂଗ୍ରେସ କେଉଁ ଧର୍ମନିରପେକ୍ଷ ଦଳ ବୋଲି ସେ କହିଛନ୍ତି । କେରଳରେ ଏହା ଆଇୟୁଏମଏଲ ସହିତ, ଆସାମରେ ଏଆଇୟୁଡିଏଫ ସହିତ, ବଙ୍ଗଳାରେ ଅବ୍ବାସ ସିଦ୍ଦିକିଙ୍କ ପାର୍ଟି ସହିତ ସମାନ ହୋଇଛି । କଂଗ୍ରେସ ବଦ୍ରୁଦ୍ଦିନ ଅଜମଲଙ୍କ ସହ ହାତ ମିଳାଇ ଅନୁପ୍ରବେଶ ବନ୍ଦ କରିପାରିବ ନାହିଁ । ଆସାମରେ ବିଜେପିର ବିଜୟର ଅନ୍ୟତମ କାରଣ ବଦରୁଦ୍ଦିନ ଅଜମଲଙ୍କ ନେତୃତ୍ୱାଧୀନ ଏଆଇୟୁଡିଏଫ ସହିତ କଂଗ୍ରେସର ମିଳିତ ମଞ୍ଚ ହେବ ।
ପଶ୍ଚିମବଙ୍ଗରେ ୨୦୦ ଆସନରେ ଜିତିବ ବିଜେପି : ଅମିତ ଶାହା
