ମନମୁଣ୍ଡା : ଭାଳିଆପଦର ମେଟାକାନି ନିକଟରେ ଏକ ବାଇକ ଦୁର୍ଘଟଣାଗ୍ରସ୍ତ ହେବାରୁ ଜଣକର ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ମୃତକ ଜଣକ ମନମୁଣ୍ଡା ଥାନା ଶଗଡା ପଞ୍ଚାୟତ ସିଗାଡ଼ି ଗ୍ରାମର ଗୋବର୍ଦ୍ଧନ ମଲ୍ଲିକ (୪୦) ଏବଂ ଗୁରୁତର ଆହତ ଜଣକ ଚୁହୁରାକନ ଗ୍ରାମର ପ୍ରମୋଦ କଁହର (୧୮) ।
ଏକ ବାଇକରେ ଦୁହେଁ ଶଗଡାରୁ ନିଜ ଘରକୁ ଫେରୁଥିଲାବେଳେ ଭାଳିଆପଦର ମେଟାକାନି ନିକଟରେ ଭାରସାମ୍ୟ ହରାଇ ଦୁର୍ଘଟଣାଗସ୍ତ ହୋଇଥିଲେ। ସ୍ଥାନୀୟ ବାସିନ୍ଦା ଆହତ ଦ୍ୱୟଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ମନମୁଣ୍ଡା ସିଏଚସିକୁ ପଠାଇଥିଲେ । ମନମୁଣ୍ଡାରେ ଗୋବର୍ଦ୍ଧନ ମଲ୍ଲିକକୁ ଡାକ୍ତର ମୃତ ଘୋଷଣା କରିଥିଲେ । ତେବେ ପ୍ରମୋଦ କଁହରଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଆମ୍ବୁଲାନ୍ସ ଯୋଗେ ସୋନପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ମନମୁଣ୍ଡା ପୁଲିସ ମୃତଦେହ ଜବତ କରି ଘଟଣାର ତଦନ୍ତ କରୁଛି ।
