ମାନିଲା: ସାତ୍ତ୍ୱିକସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କ ଶୀର୍ଷସ୍ଥାନୀୟ ଭାରତୀୟ ଯୋଡ଼ି ମଙ୍ଗଳବାର ସିଧା ଗେମ୍ରେ ବିଜୟୀ ହୋଇ ଏଠାରେ ଚାଲିଥିବା ବ୍ୟାଡ୍ମିଣ୍ଟନ୍ ଏସିଆ ଚାମ୍ପିଅନ୍ଶିପ୍ର ଦ୍ୱିତୀୟ ରାଉଣ୍ଡ୍ରେ ପ୍ରବେଶ କରିଛନ୍ତି । ବିଶ୍ୱ ନଂ୭ ଏବଂ ତୃତୀୟ ସିଡ୍ ଭାରତୀୟ ଯୋଡ଼ି ୨୭ ମିନିଟ୍ର ପ୍ରଥମ ରାଉଣ୍ଡ୍ ମ୍ୟାଚ୍ରେ ଥାଇଲାଣ୍ଡର ଆପିଲୁକ୍ ଗାଟେରାହଙ୍ଗ୍ ଏବଂ ନାତ୍ଚାନନ୍ ତୁଲାମକ୍ଙ୍କ ଯୋଡ଼ିକୁ ୨୧-୧୩, ୨୧-୯ରେ ହରାଇ ଦେଇଛନ୍ତି । ପରବର୍ତ୍ତୀ ମ୍ୟାଚ୍ରେ ଭାରତୀୟ ଯୋଡ଼ି ଜାପାନର ଆକିରୋ କୋଗା ଏବଂ ଟାଇଚି ସାଇଟୋଙ୍କ ଯୋଡ଼ିକୁ ଭେଟିବ ।
ସେହିପରି ଇଶାନ୍ ଭଟ୍ଟନାଗର ଓ ତନୀଷା କ୍ରାଷ୍ଟୋଙ୍କ ଯୋଡ଼ି ମଧ୍ୟ ମିକ୍ସଡ୍ ଡବଲ୍ସ ଇଭେଣ୍ଟ୍ର ଦ୍ୱିତୀୟ ରାଉଣ୍ଡ୍ରେ ପ୍ରବେଶ କରିଛି । ଭାରତୀୟ ଯୋଡ଼ି ହଂକଂର ଲ ଚେଉକ୍ ହିମ୍ ଓ ୟେଉଙ୍ଗ୍ ଏନ୍ଗା ତିଙ୍ଗ୍ଙ୍କ ଯୋଡ଼ିକୁ ୨୧-୧୫, ୨୧-୧୭ରେ ହରାଇ ଦେଇଛି । ତେବେ କ୍ରିଷ୍ଣପ୍ରସାଦ ଗର୍ଗ ଓ ବିଷ୍ଣୁବର୍ଦ୍ଧନ ଗୌଡ଼ ପ୍ରାଞ୍ଜଳାଙ୍କ ପୁରୁଷ ଯୋଡ଼ି ପ୍ରଥମ ରାଉଣ୍ଡ୍ର ହିଁ ବାଦ୍ ପଡ଼ିଛି । ସଂଘର୍ଷପୂର୍ଣ୍ଣ ମ୍ୟାଚ୍ରେ ଭାରତୀୟ ଯୋଡ଼ି କାଙ୍ଗ୍ ମୁନ୍ହ୍ୟୁକ୍ ଓ କିମ୍ ୱନ୍ହୋଙ୍କ ସାଉଥ୍ କୋରିଆ ଯୋଡ଼ିଠାରୁ ୧୦-୨୧, ୨୧-୧୯, ୧୬-୨୧ରେ ପରାଜିତ ହୋଇଛି । ଏହା ଯୋଡ଼ି ପରେ ସାଉଥ୍ କୋରିଆର କିମ୍ ୱନ୍ହୋ ଏବଂ ଜେଓଙ୍ଗ୍ ନା ଏଉନ୍ ଓ ସପ୍ତମ ସିଡ୍ ମାଲେସିଆର ତାନ୍ କିଆଙ୍ଗ୍ ମେଙ୍ଗ୍ ଏବଂ ଲାଇ ପେଇ ଜିଙ୍ଗ୍ଙ୍କ ମଧ୍ୟରେ ହେବାକୁ ଥିବା ମ୍ୟାଚ୍ର ବିଜେତାଙ୍କୁ ଭେଟିବେ ।
