କେନ୍ଦ୍ରାପଡା : ଉଜୁଡା କ୍ଷେତ ନେଲା ଆଉ ଏକ ଚାଷୀଙ୍କ ଜୀବନ । ଫସଲ ଉଜୁଡିବାରୁ ଚାଷୀ ବିଶ ପିଇଥିବା ଅଭିଯୋଗ ଆସିଛିି । ମୃତକ ହେଉଛନ୍ତି କେନ୍ଦ୍ରାପଡା ଜିଲ୍ଲା ଆଳି ବ୍ଲକ କୁଳଡିହ ଗାଁର ଚାଷୀ କୈଳାଶ ଚନ୍ଦ୍ର ଧଅଳ । ଧାର କରଜ କରି ପ୍ରାୟ ୮ ଏକର ଜମିରେ ଚାଷ କରିଥିଲେ ନିଜର ପାଞ୍ଚ ଏକର ଜମି ସହିତ ଭାଗରେ ୩ ଏକର ଜମିରେ ଚାଷ କରିଥିଲେ । ଅଦିନିଆ ବର୍ଷା ଯୋଗୁଁ ଜମିରେ ପାଣି ଜମିବାରୁ ଧାନ ଗଜା ହୋଇଥିଲା । ଉଜୁଡା କ୍ଷେତକୁ ଦେଖି ଚିନ୍ତାରେ ଥିଲେ ଚାଷୀ । ଗତକାଲି ରାତିରେ ବିଷ ପିଇଦେଇଥିଲେ । ଏନେଇ ପରିବାର ଲୋକ ଅଭିଯୋଗ କରିଛନ୍ତି । ପରିବାର ଲୋକ ଆଳି ମେଡିକାଲ କୁ ନେଇଥିବା ବେଳେ ଡକ୍ଟର ତାଙ୍କୁ ମୃତ ଘୋଷଣା କରିଛନ୍ତି । ମୃତ ଚାଷୀଙ୍କ ପୁତୁରା କୁମାର ସିଂ ଧଳ ଆଳି ଥାନାରେ ଏନେଇ ଅଭିଯୋଗ କରିଛନ୍ତି ।
ଆଳିରେ ଆଉ ଜଣେ ଚାଷୀଙ୍କ ଆତ୍ମହତ୍ୟା !
