ପାକିସ୍ତାନୀ ଅଭିନେତାଙ୍କ ପ୍ରେମରେ ଅମିଷା

ନିକଟରେ ଅମିଷା ଏକ ଭିଡିଓ ପୋଷ୍ଟ କରିଛନ୍ତି। ଯେଉଁଥିରେ ସେ ପାକିସ୍ତାନୀ ଅଭିନେତା ଇମ୍ରାନ ଅବ୍ବାସଙ୍କ ସହ ନଜର ଆସିଛନ୍ତି। ଇନଷ୍ଟାଗ୍ରାମରେ ଶେୟାର ହୋଇଥିବା ଏହି ଭିଡିଓରେ ଅମିଷା ଇମ୍ରାନ ଅବ୍ବାସଙ୍କ ସହ ଏକ ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି। ସେ ୨୦୦୨ରେ ରିଲିଜ ହୋଇଥିବା ତାଙ୍କର ନିଜର ଫିଲ୍ମ ‘କ୍ରାନ୍ତି’ର ‘ମୋହବତ୍ ୟେ ନେହିଁ ତୋ କୟା ହୈ’ ଗୀତରେ ଲିପସିଂ କରୁଥିବାର ନଜର ଆସିଛନ୍ତି। ଏହି ଭିଡିଓକୁ ଶେୟାର କରି ଅମିଷା କ୍ୟାପସନରେ ଲେଖିଛନ୍ତି, ‘ମୋର ସୁପରଷ୍ଟାର ବନ୍ଧୁ ଇମ୍ରାନ ଅବ୍ବାସଙ୍କ ସହ ଗତ ସପ୍ତାହରେ ବାହାରିନରେ ମସ୍ତି… ମୋର ଏବଂ ବବି ଦେଓଲଙ୍କ ଚଳଚ୍ଚିତ୍ର ‘କ୍ରାନ୍ତି’ର ଏହି ଗୀତ ମୋର ଏବଂ ଇମ୍ରାନଙ୍କ ପ୍ରିୟ ଗୀତ ମଧ୍ୟରୁ ଅନ୍ୟତମ।’