ରାଜସ୍ଥାନ କୋଟାରେ ତିନି ଛାତ୍ରଙ୍କ ଆତ୍ମହତ୍ୟା ଅଭିଯୋଗ

ଜୟପୁର: ରାଜସ୍ଥାନ କୋଟାରେ ତିନି ଛାତ୍ରଙ୍କ ଆତ୍ମହତ୍ୟା ଅଭିଯୋଗ । ମୃତ ଛାତ୍ରଙ୍କ ମଧ୍ୟରେ ଦୁଇଜଣ ବିହାର ଏବଂ ଜଣେ ମଧ୍ୟ ପ୍ରଦେଶର ହୋଇଥିବା ସୂଚନା ରହିଛି । ତିନି ମୃତ ଛାତ୍ରଙ୍କ ବୟସ ୧୬, ୧୭ ଓ ୧୮ ବୟସ ବୋଲି ଜଣା ପଡିଛି । ବିହାର ଦୁଇ ମୃତକ ଛାତ୍ର ଅଙ୍କୁସ ଏବଂ ଉଜ୍ବଳ ଗୋଟିଏ ହଷ୍ଟେଲରେ ରହୁଥିଲେ । ଜଣେ ମେଡିକାଲ ଶିକ୍ଷା ପାଇଁ କୋଚିଂ ନେଉଥିବା ବେଳେ ଆଉ ଜଣେ ଇଂଜିନିୟରିଂ ପାଇଁ ପ୍ରସ୍ତୁତ ହେଉଥିଲେ । ସେହିଭଳି ମଧ୍ୟ ପ୍ରଦେଶର ଛାତ୍ର ପ୍ରଣବ ଏନଇଇଟି ପାଇଁ ପ୍ରସ୍ତୁତି କରୁଥିଲେ । କୋଚିଂ ସେଣ୍ଟର ପକ୍ଷରୁ ଅଧିକ ପାଠ ଚାପ ଯୋଗୁ ତିନି ଛାତ୍ର ଚରମ ନିଷ୍ପତ୍ତି ନେଇଥିବା ଅଭିଯୋଗ ହୋଇଛି । ଏନେଇ ମୃତଦେହ ଜବତ କରାଯାଇ ପୋଲିସ ତଦନ୍ତ ଆରମ୍ଭ କରିଛି । ସେପଟେ ପୂର୍ବରୁ ମଧ୍ୟ କୋଟାରେ ଛାତ ଆତ୍ମହତ୍ୟା ମାମଲା ଅଧିକ ରହିଛି ।