ଅଜଣା ଗାଡି ଧକ୍କାରେ ୨ ଯୁବକଙ୍କ ମୃତ୍ୟୁ

ସୁନ୍ଦରଗଡ଼ : ସୁନ୍ଦରଗଡ଼ ଜିଲ୍ଲା ବୀରମିତ୍ରପୁର ରାସ୍ତାରେ ଥିବା ଚାଡ୍ରି ହରିହରପୁର ଗ୍ରାମ ତଳକୁ ଥିବା ୧୪୩ ନଂ ଜାତୀୟ ରାଜପଥରେ ଘଟିଥିବା ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଦୁଇ ଯୁବକଙ୍କ ମୃତ୍ୟୁ ହୋଇଥିବା ଦେଖାଯାଇଛି । ମୃତ ଯୁବକ ଦ୍ୱୟଙ୍କ ପରିଚୟ ମିଳିପାରି ନଥିବା ବେଳେ ଅନ୍ଧାର ରାତିରେ କୌଣସି ଅଜଣା ଗାଡି ଧକ୍କା ଦେଇ ଚାଲି ଯାଇଥିବାର ଆଶଙ୍କା କରାଯାଉଛି । ସ୍ଥାନୀୟ ବାସିନ୍ଦାଙ୍କ ଠାରୁ ସୂଚନା ପାଇ କୁଆଁରମୁଣ୍ଡା ଫାଣ୍ଡି ପୁଲିସ ଘଟଣା ସ୍ଥଳରେ ପହଞ୍ଚି ଶବ ଦୁଇଟିକୁ ଜବତ କରିବା ସହିତ ଦୁର୍ଘଟଣା ଗ୍ରସ୍ତ ଓଡି ୧୪ଏଚ ୪୩୧୧ ବାଇକଟିକୁ ମଧ୍ୟ ଜବତ କରିଥିବାର ଜଣାପଡିଛି । ଆସନ୍ତାକାଲି ପରିଚୟ ମିଳିବା ପରେ ଶବ ଦ୍ୱୟ ବ୍ୟବଚ୍ଛେଦ ହୋଇ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଫାଣ୍ଡି ସୂତ୍ରରୁ ପ୍ରକାଶ । ଏହି ଘଟଣାକୁ ନେଇ ଫାଣ୍ଡିରେ ଏକ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି ପୁଲିସ ।