ଇମ୍ଫାଲ୍: ସମଗ୍ର ମଣିପୁରରେ ସ୍କୁଲ୍ ଖୋଲିବାର ଦିନକ ପରେ ଆଜି ଇମ୍ଫାଲ୍ର ପଶ୍ଚିମ ପ୍ରାନ୍ତରେ ଥିବା ଏକ ସ୍କୁଲ୍ ବାହାରେ ଅଜ୍ଞାତ ଦୁର୍ବୃତ୍ତମାନେ ଜଣେ ମହିଳାଙ୍କୁ ଗୁଳି ମାରି ହତ୍ୟା କରିଥିବା କଥା ପୁଲିସ ସୂତ୍ରରୁ ପ୍ରକାଶ । ନିହତ ମହିଳାଙ୍କ ପରିଚୟ ଓ ସମ୍ପ୍ରଦାୟ ବିଷୟରେ ଏପର୍ଯ୍ୟନ୍ତ କିଛି ଜଣାପଡ଼ି ନ ଥିବା କଥା ପୁଲିସ କହିଛି । ସୂଚନା ଅନୁସାରେ, ହତ୍ୟାକାଣ୍ଡ ଶିଶୁ ନିଷ୍ଠା ନିକେତନ ସ୍କୁଲ୍ ବାହାରେ ଘଟିଥିବା ଏହି ଘଟଣା ସମ୍ପୃକ୍ତ ଅଞ୍ଚଳରେ ଆତଙ୍କର କାରଣ ହୋଇଛି । ଦୀର୍ଘ ଦୁଇ ମାସ ହେବ ଆଦିମ ପ୍ରଜାତିଙ୍କ ମଧ୍ୟରେ ସଂଘର୍ଷ ଚାଲିଥିବା ବେଳେ ଆଜିର ଏହି ଗୁଳିକାଣ୍ଡ ଘଟିଛି ।
ଏହାଛଡ଼ା, ଆଜି ସକାଳେ ତାଙ୍କ ପୋକ୍ପି ଜିଲ୍ଲା ଅନ୍ତର୍ଗତ ମାପାଓ ଏବଂ ଅୱାଙ୍ଗ୍ ସେକ୍ମାଇ ଅଞ୍ଚଳର ଦୁଇ ସଶସ୍ତ୍ର ଗୋଷ୍ଠୀଙ୍କ ମୁକାବିଲାକୁ ନିରାପତ୍ତା ବଳ ଭଣ୍ଡୁର କରିଥିଲା । ସେହିପରି, ଥେବାଲ୍ ଜିଲ୍ଲାରେ ଆଉ ଏକ ହିଂସାକାଣ୍ଡରେ ଦଙ୍ଗାକାରୀମାନେ ‘ଇଣ୍ଡିଆନ୍ ରିଜର୍ଭ ବାଟାଲିୟନ୍’ର (ଆଇଆର୍ବି) ଜଣେ ଯବାନଙ୍କ ଘର ପୋଡ଼ି ଦେଇଛନ୍ତି । ସେ ପୋଲିସ ଅସ୍ତ୍ରାଗାରରୁ ଦଙ୍ଗାକାରୀମାନଙ୍କର ଅସ୍ତ୍ରଶସ୍ତ୍ର ଲୁଟ୍ ଉଦ୍ୟମ ପଣ୍ଡ କରି ଦେଇଥିଲେ ବୋଲି ବୁଧବାର ସରକାରୀ ଅଧିକାରୀମାନେ କହିଛନ୍ତି ।
