ବୋମା ବିସ୍ଫୋରଣରେ ଜଣେ ୭ ବର୍ଷର ବାଳକ ମୃତ

କୋଲକାତା: ବୋମା ବିସ୍ଫୋରଣରେ ଜଣେ ୭ ବର୍ଷର ବାଳକ ମୃତ । ପଶ୍ଚିମବଙ୍ଗର ମୁର୍ଶିଦାବାଦରେ ବୋମା ବିସ୍ଫୋରଣରେ ଜଣେ ୭ ବର୍ଷର ବାଳକର ମୃତ୍ୟୁ ଘଟିଛି। ଏହି ଘଟଣା ପରେ ସେହି ଅଞ୍ଚଳରେ ଶୋକର ଛାୟା ଖେଳିଯାଇଛି। ତୁରନ୍ତ ଲୋକେ ସ୍ଥାନୀୟ ପୁଲିସକୁ ଘଟଣା ସମ୍ପର୍କରେ ଜଣାଇଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଜଣେ ୭ ବର୍ଷର ଶିଶୁ ମୁକ୍ଲାସୁର ରେହମାନ ସ୍କୁଲ ଯାଇଥିଲେ। ସ୍ଥାନୀୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଶିଶୁଟି ସ୍ଥାନୀୟ ପ୍ରାଥମିକ ବିଦ୍ୟାଳୟରେ ପଢୁଥିଲା। ଏଥିସହ ମଧ୍ୟାହ୍ନ ଭୋଜନ ପରେ ସେ ସ୍କୁଲ ବାହାରେ ଖେଳିବା ଆରମ୍ଭ କରିଥିଲେ। ପିଲାଟି ବଲ୍ ଭଳି କିଛି ଦେଖିଲେ। ଏହାକୁ ହାତରେ ଧରି ଖେଳିବା ଆରମ୍ଭ କରିଥିଲେ।ବାସ୍ତବରେ ଏହା ଏକ ଜୀଅନ୍ତ ବୋମା ଥିଲା, ଯାହାକୁ ପିଲାଟି ବଲ୍ ବୋଲି ଭାବିଥିଲା। ପିଲାଟି ବୋମାକୁ ବଲ୍ ବୋଲି ଭାବି କାନ୍ଥରେ ଫିଙ୍ଗି ଦେଇଥିଲା। କାନ୍ଥରେ ବୋମା ବାଡେଇ ହେବାପରେ ବିସ୍ଫୋରଣର ଶବ୍ଦରେ ସ୍ଥାନୀୟ ଅଞ୍ଚଳ ଥରି ଉଠିଥିଲା। ଏଥିରେ ଶିଶୁଟି ଗୁରୁତର ଆହତ ହୋଇଛି। ସେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ତଳେ ପଡ଼ିଯାଇଥିଲେ। ଲୋକମାନେ ଏହି ଶବ୍ଦ ଶୁଣି ତୁରନ୍ତ ଘଟଣାସ୍ଥଳରେ ପହଞ୍ଚି ଶିଶୁଟିକୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତରଖାନାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।