ବର୍ଷେ ପାଟି ବନ୍ଦ କର : ମୁକୁଳିଲେ ଦୀପକ,ସୌରଭ ଆଶୁତୋଷ ମୁକୁଳିଲେ

କକ୍ରୋଚ୍ ଜନତା ପାର୍ଟି(ସିଜେପି) ନେତା ଅଭିଜିତ୍ ଦିପକେ, ସୌରଭ ଦାସ ଏବଂ ଆଶୁତୋଷ ରାଙ୍କାଙ୍କୁ କୋର୍ଟ ଖଲାସ କରିଛନ୍ତି। ମାଜିଷ୍ଟ୍ରେଟ୍ ତିନି ଜଣଙ୍କୁ ମୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ଦିଲ୍ଲୀ ପୁଲିସର ସୂଚନା ଅନୁଯାୟୀ, ଅଭିଜିତ ଦିପକେ, ଆଶୁତୋଷ ରାଙ୍କା ଏବଂ ସୌରଭ ଦାସଙ୍କୁ ବିଏନଏସଏସର ଧାରା ୧୨୬/୧୭୦ ଅନୁଯାୟୀ ସତର୍କତାମୂଳକ ପଦକ୍ଷେପ ସ୍ୱରୂପ ଗିରଫ କରାଯାଇଥିଲା। ସମସ୍ତ ଆବଶ୍ୟକୀୟ ଆଇନଗତ ପ୍ରକ୍ରିୟା ଅନୁସରଣ କରାଯାଇଥିଲା ଏବଂ ସେମାନଙ୍କୁ ରବିବାର ଦିଲ୍ଲୀ କ୍ୟାଣ୍ଟର ସ୍ୱତନ୍ତ୍ର କାର୍ଯ୍ୟନିର୍ବାହୀ ମାଜିଷ୍ଟ୍ରେଟ(ଏସଇଏମ)ଙ୍କ କୋର୍ଟରେ ହାଜର କରାଯାଇଥିଲା। ଶାନ୍ତି ଏବଂ ଭଲ ଆଚରଣ ବଜାୟ ରଖିବା ପାଇଁ ଏକ ବର୍ଷ ପାଇଁ ୫୦ ହଜାର ଟଙ୍କାର ଜାମିନ ବଣ୍ଡ ଦାଖଲ କରିବା ପରେ କୋର୍ଟ ତାଙ୍କୁ ମୁକ୍ତ କରିଛନ୍ତି । ଗୁରୁଗ୍ରାମ ପୁଲିସ ୟୁଟ୍ୟୁବର ଧ୍ରୁବ ରାଠିଙ୍କୁ ମଧ୍ୟ ମୁକ୍ତ କରିଛି। ୧୦ ଅକ୍ଟୋବରରେ ଜନ୍ତର ମନ୍ତରରେ ହେବାକୁ ଥିବା ପ୍ରତିବାଦ ପୂର୍ବରୁ, ଦିଲ୍ଲୀ ପୁଲିସ ଶନିବାର ଦିନ ଆଇଜିଆଇ ବିମାନବନ୍ଦରରୁ ତିନି ଜଣ ପ୍ରମୁଖ ସିଜେପି ନେତା ଅଭିଜିତ ଦିପକେ, ଆଶୁତୋଷ ରାଙ୍କା ଏବଂ ସୌରଭ ଦାସଙ୍କୁ ଅଟକ ରଖିଥିଲା। ପରବର୍ତ୍ତୀ ସମୟରେ, ଦିଲ୍ଲୀ ପୁଲିସ ନୂତନ ଆଇନର ପ୍ରତିରୋଧୀ କାର୍ଯ୍ୟାନୁଷ୍ଠାନ ଅନୁଯାୟୀ ତିନି ନେତାଙ୍କୁ ଗିରଫ କରିଥିଲା ।