ଜ୍ଞାନେଶ କୁମାରଙ୍କ ଇସ୍ତଫା ଦାବି: ରାଷ୍ଟ୍ରପତିଙ୍କୁ ଭେଟିବେ ବିରୋଧୀ ଦଳ

ନୂଆଦିଲ୍ଲୀ : ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବି କରି ରାସ୍ତାରେ ପ୍ରତିବାଦ କରୁଥିବା ବିରୋଧୀ ନେତାମାନଙ୍କୁ ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହ ସାକ୍ଷାତ ପାଇଁ ସମୟ ଦିଆଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ରାତି ୮ଟାରେ ଏହି ନେତାମାନଙ୍କୁ ରାଷ୍ଟ୍ରପତି ଭବନକୁ ଡକାଇଛନ୍ତି। କଂଗ୍ରେସ ଦଳର ନେତୃତ୍ୱରେ ବିରୋଧୀ ଦଳଗୁଡ଼ିକ ଗତ ତିନି ଦିନ ଧରି ନିରନ୍ତର ପ୍ରତିବାଦ କରିଆସୁଛନ୍ତି। ଆଜି ରାଷ୍ଟ୍ରପତିଙ୍କ ସହ ସେମାନଙ୍କର ସାକ୍ଷାତକୁ ବହୁତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।ରାହୁଲ ଗାନ୍ଧୀ,ମଲ୍ଲିକାର୍ଜୁନ ଖାର୍ଗେ,  ମମତା ବାନାର୍ଜୀ, ଓମାର ଅବଦୁଲ୍ଲା ଙ୍କ ସମେତ ଏମଏ ବେବି, ଡି ରାଜା, ସୁପ୍ରିୟା ସୁଲେ, ଥିରୁମାଭାଲମ୍,ମନୋଜ ଝା, ରାଜୀବ ରାୟ ସାକ୍ଷାତ କରିବେ ।  ବିଜେପି ସୂତ୍ର କହୁଛି ଯେ ଏହି ପ୍ରସଙ୍ଗରେ ଇଣ୍ଡିଆ ବ୍ଲକ ମଧ୍ୟରେ କୌଣସି ସହମତି ନାହିଁ। ବିଜେପି କହିଛି ଯେ କଂଗ୍ରେସ ଏହି ପ୍ରସଙ୍ଗକୁ ଯେଉଁଭଳି ଭାବରେ ଆଗେଇ ନେଉଛି ସେଥିରେ ଏହାର ସହଯୋଗୀମାନେ ଅସନ୍ତୁଷ୍ଟ। ଏହି କାରଣରୁ ଶରଦ ପାୱାର, ତେଜସ୍ୱୀ ଯାଦବ ଏବଂ ଅଖିଳେଶ ଯାଦବ ରାଷ୍ଟ୍ରପତିଙ୍କୁ ଭେଟିବାକୁ ଯାଉଥିବା ପ୍ରତିନିଧିମଣ୍ଡଳର ଅଂଶ ନାହାଁନ୍ତି।