ୟୁପିପିଏସସି ଆବେଦନ ପ୍ରକ୍ରିୟା ଆରମ୍ଭ : ମୋଟ ୩୭ ପଦବି ହେବ ପୂରଣ

ନୂଆଦିଲ୍ଲୀ: ଉତ୍ତର ପ୍ରଦେଶରେ ସରକାରୀ ଚାକିରି ପାଇଁ ପ୍ରସ୍ତୁତ ହେଉଥିବା ଯୁବକଯୁବତୀମାନଙ୍କ ପାଇଁ ଏକ ଖୁସି ଖବର। ଉତ୍ତର ପ୍ରଦେଶ ଲୋକସେବା ଆୟୋଗ  ବିଭିନ୍ନ ନୂତନ ପଦବିରେ ନିଯୁକ୍ତି ପାଇଁ ଆବେଦନ ପ୍ରକ୍ରିୟା ଆରମ୍ଭ କରିଛି। ଏହି ନିଯୁକ୍ତି ଅଭିଯାନ ଅଧୀନରେ, ଯୋଗ୍ୟ ପ୍ରାର୍ଥୀମାନଙ୍କୁ ଆର୍କିଟେକ୍ଚର ଆସିଷ୍ଟାଣ୍ଟ, ଇଷ୍ଟେଟ୍ ମ୍ୟାନେଜର ଏବଂ ମାଇକ୍ରୋବାୟୋଲୋଜିଷ୍ଟ ସମେତ ଅନେକ ପଦବିରେ ନିଯୁକ୍ତି ଦିଆଯିବ। ଆଗ୍ରହୀ ପ୍ରାର୍ଥୀମାନେ ଶେଷ ତାରିଖ ପୂର୍ବରୁ  ଅଫିସିଆଲ୍ ୱେବସାଇଟକୁ ଯାଇ ଅନଲାଇନରେ ଆବେଦନ କରିପାରିବେ।ଏହି ନିଯୁକ୍ତି ଅଭିଯାନ ମାଧ୍ୟମରେ ମୋଟ ୩୭ ପଦବି ପୁରଣ କରାଯିବ। ଏଥିରେ ଆର୍କିଟେକ୍ଚର ଆସିଷ୍ଟାଣ୍ଟ ପାଇଁ ୧୪ଟି, ଇଷ୍ଟେଟ୍ ମ୍ୟାନେଜର ପାଇଁ ୧୧ଟି ଏବଂ ମାଇକ୍ରୋବାୟୋଲୋଜିଷ୍ଟ ପାଇଁ ୧୨ଟି ପଦବି ଅନ୍ତର୍ଭୁକ୍ତ। ଏଥି ସହିତ ଏକ ପୃଥକ ନିଯୁକ୍ତି ପ୍ରକ୍ରିୟା ଅଧୀନରେ କମ୍ପ୍ୟୁଟର ଅପରେଟର ଏବଂ ପ୍ରୋଗ୍ରାମରର ୧୦ଟି ପଦବି ପାଇଁ ବି ପ୍ରାର୍ଥୀମାନେ  ଆବେଦନ କରିପାରିବେ।