ନିଟ ୟୁଜି ପୁନଃପରୀକ୍ଷା: ଟେଲିଗ୍ରାମ ବନ୍ଦ

ନୂଆଦିଲ୍ଲୀ: ଆଗାମୀ ଜୁନ୍ ୨୧ ତାରିଖରେ ହେବାକୁ ଥିବା ନିଟ୍ ପୁନଃ-ପରୀକ୍ଷାର ପ୍ରଶ୍ନପତ୍ର ଲିକ୍ କିମ୍ବା କୌଣସି ପ୍ରକାରର ଅସାଧୁ ଉପାୟ ଅବଲମ୍ବନକୁ ରୋକିବା ପାଇଁ କେନ୍ଦ୍ର ସରକାର ଇନଷ୍ଟାଣ୍ଟ ମେସେଜିଂ ଆପ୍ ‘ଟେଲିଗ୍ରାମ୍’କୁ ଜୁନ୍ ୨୨ ତାରିଖ ପର୍ଯ୍ୟନ୍ତ ସମଗ୍ର ଭାରତରେ ସମ୍ପୂର୍ଣ୍ଣ ବ୍ଲକ୍ ବା ବ୍ୟାନ୍ କରିଛନ୍ତି। ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ର ସୁପାରିଶ କ୍ରମେ ପରୀକ୍ଷାର ସ୍ୱଚ୍ଛତା ଓ ସୁରକ୍ଷାକୁ ଦୃଷ୍ଟିରେ ରଖି କେନ୍ଦ୍ର ସରକାର ଏହି ଚରମ ନିଷ୍ପତ୍ତି ନେଇଛନ୍ତି।ଏହାସହିତ ପୁରୁଣା ମେସେଜ୍ ବଦଳାଇ ମିଥ୍ୟା ପ୍ରଶ୍ନପତ୍ର ଲିକର ଗୁଜବ ସୃଷ୍ଟି କରୁଥିବା ଜାଲିଆତି ଗ୍ୟାଙ୍ଗଙ୍କ ଉପରେ ରୋକ୍ ଲଗାଇବା ପାଇଁ, ଟେଲିଗ୍ରାମର ‘ମେସେଜ୍-ଏଡିଟିଂ’ ଫିଚରକୁ ମଧ୍ୟ ଜୁନ୍ ୩୦ ତାରିଖ ପର୍ଯ୍ୟନ୍ତ ଭାରତରେ ନିଷିଦ୍ଧ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି। ଏହି ଅସ୍ଥାୟୀ ପ୍ରତିବନ୍ଧକ ଯୋଗୁଁ ଦେଶର କୋଟି କୋଟି ସାଧାରଣ ବ୍ୟବହାରକାରୀ ଅସୁବିଧାର ସମ୍ମୁଖୀନ ହେବାକୁ ଥିଲେ ମଧ୍ୟ, ଦେଶର ସବୁଠାରୁ ବଡ଼ ପ୍ରବେଶିକା ପରୀକ୍ଷାର ଗାରିମା ରକ୍ଷା କରିବା ପାଇଁ ଏଭଳି ପ୍ଲାଟଫର୍ମ-ସ୍ତରୀୟ କାର୍ଯ୍ୟାନୁଷ୍ଠାନ ଅତ୍ୟନ୍ତ ଜରୁରୀ ଥିଲା ବୋଲି ‘ଏନଟିଏ’ ସ୍ପଷ୍ଟ କରିଛି।