ବାଂଲାଦେଶ ସୀମାରେ ତାରବାଡ: ଶୁଭେନ୍ଦୁଙ୍କ ବଡ ନିଷ୍ପତ୍ତି

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ସୋମବାର ବାଂଲାଦେଶ ସୀମାରେ ବାଡ ଦେବା ପାଇଁ ସୀମା ସୁରକ୍ଷା ବାହିନୀକୁ ଜମି ହସ୍ତାନ୍ତରକୁ ଅନୁମୋଦନ କରିଛନ୍ତି । ସେ କହିଛନ୍ତି ଯେ ଜମି ହସ୍ତାନ୍ତର ପ୍ରକ୍ରିୟା ସୋମବାରଠୁ ଆରମ୍ଭ ହେବ ୪୫ ଦିନ ମଧ୍ୟରେ ସମାପ୍ତ ହେବ । ମବାନ୍ନାରେ ପ୍ରଥମ କ୍ୟାବିନେଟ ବୈଠକ ପରେ ଗଣମାଦ୍ୟମକୁ ସମ୍ବୋଧିତ କରି କହିଛନ୍ତି, ସୀମାନ୍ତ ଅଞ୍ଚଳରେ ବିଏସଏଫକୁ ହସ୍ତାନ୍ତର ପ୍ରକ୍ରିୟା ଆଜିଠାରୁ ଆରମ୍ଭ ହୋଇଛି । ଆମର ଲକ୍ଷ୍ୟ ହେଉଛି ଏହି ହସ୍ତାନ୍ତର ପ୍ରକ୍ରିୟାକୁ ୪୫ ଦିନରେ ସମାପ୍ତ କରିବା । ଆହୁରି ମୁଖ୍ୟମନ୍ତ୍ରୀ ରାଜ୍ୟରେ କେନ୍ଦ୍ରର ପ୍ରମୁଖ ଆୟୁଷ୍ମାନ ଭାରତ ସ୍ୱାସ୍ଥ୍ୟ ଯୋଜନା କାର୍ଯ୍ୟକାରୀ ପାଇଁ ଘୋଷଣା କରିଛନ୍ତି । ସେ କହିଛନ୍ତି, ଆୟୁଷ୍ମାନ ଭାରତ ଯୋଜନା ବଙ୍ଗଳାରେ ହେବ । ପ୍ରଧାନମନ୍ତ୍ରୀଙ୍କ ଜନ ଆରୋଗ୍ୟ ଯୋଜନା ଏବଂ ଅନ୍ୟାନ୍ୟ ଯୋଜନା ମଧ୍ୟ ଏଠାରେ କାର୍ଯ୍ୟକାରୀ ହେବ । ପୂର୍ବ ଶାସନ କାଳରେ , ପୂର୍ବତନ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଯୋଗୁଁ ପଶ୍ଚିମବଙ୍ଗର ଆଇଏଏସ, ଆଇପିଏସ ଏବଂ ଡବ୍ଲ୍ୟୁବିପିଏସ ଅଧିକାରୀଙ୍କୁ ତାଲିମ ପାଇଁ ଅନ୍ୟ ରାଜ୍ୟକୁ ପଠାଯାଉନଥିଲା ବୋଲି ଅଭିଯୋଗ ହୋଇଛି । ଏବେଠାରୁ ସମସ୍ତ ଅଧିକାରୀଙ୍କୁ ତାଲିମ ପାଇଁ ଅନ୍ୟ ରାଜ୍ୟକୁ ପଠାଯିବ । ବିଏନଏସ ପୂର୍ବରୁ ବଙ୍ଗଳାରେ କାର୍ଯ୍ୟକାରୀ ହେଉନଥିଲା । ବର୍ତ୍ତମାନ ପଶ୍ଚିମବଙ୍ଗରେ ବିଏନଏସ ଲାଗୁ ନେଇ କ୍ୟାବିନେଟର ମଞ୍ଜୁରୀ ମିଳିଛି । କ୍ୟାବିନେଟରେ ଆଉ ଏକ ବଡ ନିଷ୍ପତ୍ତି ନିଆଯାଇଛି । ସ୍କୁଲ ଚାକିରୀ ଆବେଦନକାରୀଙ୍କ ପାଇଁ ବୟସ ସୀମାରେ ପାଞ୍ଚ ବର୍ଷକୁ ବୃଦ୍ଧି କରାଯାଇଛି । ଜୁନ ୨୦୨୫ରେ ବେଙ୍ଗଲରେ ଜନଗଣନା ହେବ । ସେନେଇ ତୁରନ୍ତ କାର୍ଯ୍ୟକାରୀ କରିବାକୁ କ୍ୟାବିନେଟ ମଞ୍ଜୁରୀ ଦେଇଛି ।