ବହୁତ୍ ହେଲା, ଜମ୍ମୁ କାଶ୍ମୀରରେ ହିଂସା ବନ୍ଦ କର

ନୂଆଦିଲ୍ଲୀ: ନ୍ୟାସନାଲ କନଫରେନ୍ସର ଅଧ୍ୟକ୍ଷ ଫାରୁକ ଅବଦୁଲ୍ଲା ପାକିସ୍ତାନକୁ ଜମ୍ମୁ ଏବଂ କାଶ୍ମୀରରେ ହିଂସା ବନ୍ଦ କରିବାକୁ ଅନୁରୋଧ କରିଛନ୍ତି। ସେ କହିଛନ୍ତି ଯେ ଯଥେଷ୍ଟ ହୋଇଗଲା । ପାକିସ୍ତାନକୁ ତା’ର ହିଂସାର ପଥ ପରିତ୍ୟାଗ କରିବାକୁ ପଡିବ। ଜମ୍ମୁ ଏବଂ କାଶ୍ମୀରକୁ ଭାରତର ଅବିଚ୍ଛେଦ୍ୟ ଅଙ୍ଗ ଭାବରେ ମାନ୍ୟତା ଦେବାକୁ ପାକିସ୍ତାନର ମନା କରିବା ହିଂସାକୁ ପ୍ରୋତ୍ସାହିତ କରୁଛି। ଏକ ସାକ୍ଷାତକାରରେ ଫାରୁକ ଅବଦୁଲ୍ଲା କହିଛନ୍ତି ଯେ ଉଭୟ ଦେଶ ଶାନ୍ତି ସ୍ଥାପନ କରିବାର ଉପାୟ ଖୋଜିବା ଉଚିତ। ସେ ପହଲଗାମ ଆତଙ୍କବାଦୀ ଆକ୍ରମଣକୁ ଉଲ୍ଲେଖ କରିଥିଲେ। ଯେଉଁଥିରେ ୨୬ ଜଣଙ୍କର ମୃତ୍ୟୁ ହୋଇଥିଲା । ଏବଂ ଏହାକୁ ଭାଇଚାରା ପୁନଃଜାଗିତାଇବାର ପ୍ରୟାସ ପାଇଁ ଏକ ବଡ଼ ପ୍ରତିଘାତ ବୋଲି କହିଥିଲେ। ଆକ୍ରମଣ ପରେ, ଜମ୍ମୁ-କାଶ୍ମୀରର ଲୋକମାନେ ପ୍ରତିବାଦ କରିବାକୁ ରାସ୍ତାକୁ ଓହ୍ଲାଇଥିଲେ। ଏହା ପାକିସ୍ତାନକୁ ଏକ ସ୍ପଷ୍ଟ ସଙ୍କେତ ଥିଲା ଯେ ଆତଙ୍କବାଦ ଗ୍ରହଣୀୟ ନୁହେଁ। ଅବଦୁଲ୍ଲା ଆଶା ପ୍ରକାଶ କରିଥିଲେ ଯେ ପଡ଼ୋଶୀ ଦେଶ କେବେବି ଆତଙ୍କବାଦକୁ ସମର୍ଥନ କରିବ ନାହିଁ। ସେ କହିଛନ୍ତି ଯେ ଜମ୍ମୁ-କାଶ୍ମୀରର ଲୋକମାନେ ଶାନ୍ତିପ୍ରିୟ ଏବଂ ଶାନ୍ତି ଚାହାଁନ୍ତି।