ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର

ଗଞ୍ଜାମ: ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର। ଗଞ୍ଜାମ ଜିଲ୍ଲାର ଶେରଗଡ଼ ପୋଲିସ ସୀମା ଅନ୍ତର୍ଗତ ବଡ଼ଗଡ଼ା ଅଞ୍ଚଳର ଜଗନ୍ନାଥ ବିଦ୍ୟାପୀଠ ନିକଟରେ ଜଣେ ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ମିଳିଛି। ମୃତକଙ୍କ ପରିଚୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ସୂଚନା ଅନୁଯାୟୀ, କିଛି ସ୍ଥାନୀୟ ଲୋକ ଏକ ଖୋଲା ପଡ଼ିଆରେ ମୃତଦେହଟିର ୭୦ ପ୍ରତିଶତ ପୋଡ଼ି ଯାଇଥିବା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ। ସୂଚନା ପାଇ ପୋଲିସ ଏବଂ ଫରେନସିକ ଦଳ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି। ସନ୍ଦେହ କରାଯାଉଛି ଯେ ଯୁବକଙ୍କୁ ହତ୍ୟା କରାଯାଇ ଘଟଣାସ୍ଥଳକୁ ଆଣି ପେଟ୍ରୋଲ ଢାଳି ନିଆଁ ଲଗାଇ ଦିଆଯାଇଥାଇପାରେ। ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି।