ନବରଙ୍ଗପୁର: କୂଅରେ ପଡ଼ି ଭାଲୁର ମୃତ୍ୟୁ। ନବରଙ୍ଗପୁର ଜିଲ୍ଲାର ନନ୍ଦାହାଣ୍ଡି ବ୍ଲକ ଅନ୍ତର୍ଗତ ମେରାନାଶ ଗାଁରେ ଏକ ପରିତ୍ୟକ୍ତ କୂଅରେ ପଡ଼ି ଭାଲୁର ମୃତ୍ୟୁ ହୋଇଛି। ସ୍ଥାନୀୟ ଲୋକମାନେ ଭାଲୁର ମୃତଦେହ ଦେଖିବା ମାତ୍ରେ ବନ ବିଭାଗକୁ ଖବର ଦେଇଥିଲେ। ସୂଚନା ପାଇବା ପରେ ବନ ବିଭାଗ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଭାଲୁର ମୃତଦେହ ଉଦ୍ଧାର କରିଥିଲେ।
ରିପୋର୍ଟ ଅନୁସାରେ, ଭାଲୁଟି ଖାଦ୍ୟ ଖୋଜିବାକୁ ଆସିଥିଲା ଏବଂ ଭୁଲବଶତଃ କୂଅରେ ପଡ଼ିଗଲା। ଗାଁ ଲୋକେ ଯେତେବେଳେ ଘଟଣାଟି ଦେଖିଲେ, ସେତେବେଳେ ପଶୁଟି ମରିସାରିଥିଲା। ବନ ବିଭାଗ ସୂଚନା ଦେଇଛି ଯେ ଆଜି ପୋଷ୍ଟମର୍ଟମ୍ କରାଯିବ। ବନ ଅଧିକାରୀମାନେ କହିଛନ୍ତି ଯେ ପ୍ରାଥମିକ ତଦନ୍ତରୁ ଜଣାପଡିଛି ଯେ କୂଅର ଥଣ୍ଡା ପାଣିରେ ପଡ଼ି ଭାଲୁଟିର ମୃତ୍ୟୁ ହୋଇଛି।
