କୋଇଲା ମାଫିଆଙ୍କ ଉପରେ ୪୦ଟି ସ୍ଥାନରେ ଇଡ଼ିର ଚଢ଼ାଉ

ନୂଆଦିଲ୍ଲୀ: କୋଇଲା ମାଫିଆଙ୍କ ବିରୋଧରେ ମନି ଲଣ୍ଡରିଂ ମାମଲା ସହିତ ଜଡିତ ଝାଡ଼ଖଣ୍ଡ ଏବଂ ପଶ୍ଚିମବଙ୍ଗରେ ଶୁକ୍ରବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ତଲାସ ଚଳାଇଛି ବୋଲି ସରକାରୀ ସୂତ୍ରରୁ ଜଣାପଡ଼ିଛି । ମନି ଲଣ୍ଡରିଂ ନିବାରଣ ଆଇନ ର ବ୍ୟବସ୍ଥା ଅନୁଯାୟୀ କାର୍ଯ୍ୟାନୁଷ୍ଠାନ ସ୍ୱରୂପ ଏହି ଦୁଇ ରାଜ୍ୟର 40 ରୁ ଅଧିକ ସ୍ଥାନରେ ତଲାସ କରାଯାଉଛି। କୋଇଲା ଚୋରି ଏବଂ ଚୋରା ଚାଲାଣର ତଦନ୍ତ ସ୍ୱରୂପ ଏଜେନ୍ସି ଝାଡ଼ଖଣ୍ଡର ପ୍ରାୟ 18 ଟି ସ୍ଥାନରେ ଚଢାଉ କରୁଛି। ସୂତ୍ର ଅନୁଯାୟୀ, ଅନିଲ ଗୋୟଲ, ସଞ୍ଜୟ ଉଦ୍ୟୋଗ, ଏଲ ବି ସିଂହ ଏବଂ ଅମର ମଣ୍ଡଳ ନାମକ ସଂସ୍ଥାଗୁଡ଼ିକର ଘର ଉପରେ ଚଢାଉ କରାଯାଉଛି। ଏହି ମାମଲା ବଡ଼ ଧରଣର କୋଇଲା ଚୋରି ସହିତ ଜଡିତ, ଯାହା ଫଳରେ ସରକାରଙ୍କୁ ଶହ ଶହ କୋଟି ଟଙ୍କାର ବିପୁଳ ଆର୍ଥିକ କ୍ଷତି ହୋଇଛି। ସେମାନେ କହିଛନ୍ତି ଯେ ପଶ୍ଚିମବଙ୍ଗରେ କୋଇଲାର ଅବୈଧ ଖଣି, ପରିବହନ ଏବଂ ସଂରକ୍ଷଣର ତଦନ୍ତର ଅଂଶ ସ୍ୱରୂପ ଦୁର୍ଗାପୁର, ପୁରୁଲିଆ, ହାଓଡ଼ା ଏବଂ କୋଲକାତା ଜିଲ୍ଲାର ପ୍ରାୟ 24ଟି ଘର ଉପରେ ତଲାସ କରାଯାଉଛି ।