ମଧ୍ୟପ୍ରଦେଶ: ମଧ୍ୟପ୍ରଦେଶରୁ ସାମ୍ନାକୁ ଆସିଛି ଏକ ହୃଦୟବିଦାରକ ଘଟଣା। ଟାୟାର ଫାଟି କାର ଦୁର୍ଘଟଣଗ୍ରସ୍ଥ ହୋଇ ୩ ଜଣ ସାଧୁଙ୍କ ମୃତ୍ୟୁ ଘଟିଛି। ସୂଚନା ଅନୁସାରେ, ଶୁକ୍ରବାର ସନ୍ଧ୍ୟାରେ ମଧ୍ୟପ୍ରଦେଶର ଛିନ୍ଦୱାଡା ଜିଲ୍ଲାରେ ଏହି ଭୟଙ୍କର ଦୁର୍ଘଟଣା ଘଟିଛି। ସାତ ଜଣ ସାଧୁଙ୍କୁ ନେଇ ଯାଉଥିବା ଏକ କାରର ଟାୟାର ଫାଟିଯିବାରୁ ନିୟନ୍ତ୍ରଣ ହରାଇ ଗଛରେ ପିଟି ହୋଇ କୂଅରେ ପଡ଼ିଗଲା। ଏହି ଦୁର୍ଘଟଣାରେ ତିନି ଜଣ ସାଧୁଙ୍କ ମୃତ୍ୟୁ ହୋଇଥିବା ବେଳେ ତିନି ଜଣଙ୍କୁ ଉଦ୍ଧାର କରାଯାଇଥିଲା ଏବଂ ଜଣେ ଏପର୍ଯ୍ୟନ୍ତ ନିଖୋଜ ଅଛନ୍ତି।
ଦୁର୍ଘଟଣା ପରେ ପୋଲିସ ଏବଂ ପ୍ରଶାସନ ଦଳ ତୁରନ୍ତ ପହଞ୍ଚି ରିଲିଫ୍ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ସାନୱାରି ପୋଲିସ ପୋଷ୍ଟର ଇନଚାର୍ଜ ମୁକେଶ ଦ୍ୱିବେଦୀ କହିଛନ୍ତି ଯେ ଜିଲ୍ଲା ମୁଖ୍ୟାଳୟରୁ ପ୍ରାୟ ୬୦ କିଲୋମିଟର ଦୂର ବେତୁଲ ରୋଡର ତେଣ୍ଡନି ଖୁର୍ଦ ନିକଟରେ ଏହି ଦୁର୍ଘଟଣା ଘଟିଛି। ଟାୟାର ଫାଟିଯିବା ଯୋଗୁଁ ଗାଡ଼ିଟି ନିୟନ୍ତ୍ରଣ ବାହାରକୁ ଯାଇ ଏକ ଗଛରେ ପିଟି ହୋଇ କୂଅରେ ପଡ଼ିଗଲା। ଗାଡ଼ିରେ ମୋଟ ସାତ ଜଣ ସାଧୁ ଥିଲେ। ପୋଲିସ ଏବଂ ସ୍ଥାନୀୟ ଲୋକମାନେ ଉଦ୍ଧାର କରିବା ପାଇଁ ମିଳିତ ଭାବରେ କାମ କରୁଛନ୍ତି।
ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, କାରରେ ଥିବା ସାଧୁମାନେ ଚିତ୍ରକୁଟରୁ ବେତୁଲର ମୁଲତାଇକୁ ଯାତ୍ରା କରୁଥିଲେ। ଯାତ୍ରା ସମୟରେ ହଠାତ୍ ଟାୟାର ଫାଟିଯିବାରୁ ଏହି ଦୁର୍ଘଟଣା ଘଟିଥିଲା। ପୋଲିସ କହିଛି ଯେ ଦୁର୍ଘଟଣାର ସମ୍ପୂର୍ଣ୍ଣ ତଦନ୍ତ ଚାଲିଛି। ଦୁର୍ଘଟଣା କିପରି ଘଟିଲା ଏବଂ ଗାଡିଟି ନିୟନ୍ତ୍ରଣ ହରାଇବାର କାରଣ କଣ ତାହା ନିର୍ଣ୍ଣୟ କରିବା ପାଇଁ ଗାଡିର ଅବସ୍ଥା ଏବଂ ଡ୍ରାଇଭର ବିଷୟରେ ସୂଚନା ସଂଗ୍ରହ କରାଯାଉଛି।
