ମଣ୍ଡିରେ ପୁଣି ଏକ ବିପର୍ଯ୍ୟୟ: ଭୂସ୍ଖଳନରେ ୩ ମୃତ

ହିମାଚଳ ପ୍ରଦେଶ: ହିମାଚଳ ପ୍ରଦେଶର ମଣ୍ଡିରେ ପ୍ରକୃତି ପୁଣି ଥରେ ତାଣ୍ଡବ ରଚିଛି। ମଙ୍ଗଳବାର ଭୂସ୍ଖଳନ ଯୋଗୁଁ ଏକ ବଡ଼ ଦୁର୍ଘଟଣା ଘଟିଛି, ଯେଉଁଠାରେ ପାହାଡ଼ ଖସି ଏକ ଘର ଭଗ୍ନାବଶେଷ ତଳେ ପୋତି ହୋଇଯାଇଛି। ଏହି ଘଟଣା ହିମାଚଳ ପ୍ରଦେଶର ମଣ୍ଡି ଜିଲ୍ଲାର ନିହାରୀ ଅଞ୍ଚଳରେ ଘଟିଛି। ଏହି ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣଙ୍କୁ ଉଦ୍ଧାରକାରୀ ଦଳ ସୁରକ୍ଷିତ ଭାବରେ ବାହାର କରିଛନ୍ତି। ଘଟଣା ପରେ ତୁରନ୍ତ ସ୍ଥାନୀୟ ପ୍ରଶାସନ ଏବଂ ରିଲିଫ୍ ଦଳ ଘଟଣାସ୍ଥଳରେ ପହଞ୍ଚି ଭଗ୍ନାବଶେଷ ହଟାଇବା ଆରମ୍ଭ କରିଛନ୍ତି। ନିରନ୍ତର ବର୍ଷା ଯୋଗୁଁ ଅଞ୍ଚଳରେ ଭୂସ୍ଖଳନର ଆଶଙ୍କା ବୃଦ୍ଧି ପାଉଛି। ଆଗାମୀ ଦିନରେ ଏପରି ଘଟଣା ବୃଦ୍ଧି ପାଇବାର ଆଶଙ୍କା କରାଯାଉଛି।