ଆଜି ଶ୍ରୀକୃଷ୍ଣଙ୍କର ଜନ୍ମଦିନ: ଚଳଚଞ୍ଚଳ ବୃନ୍ଦାବନ

ନୂଆଦିଲ୍ଲୀ: ଆଜି ଜନ୍ମାଷ୍ଟମୀ । ଶ୍ରୀକୃଷ୍ଣଙ୍କର ଜନ୍ମଦିନ । ଏଥିପାଇଁ ଚଳ ଚଞ୍ଚଳ ମଥୁରା , ବୃନ୍ଦାବନ ସହ ସାରା ଦେଶ । ସେହିପରି ରାଜ୍ୟର ବିଭିନ୍ନ ସ୍ଥାନରେ  ମହାଆଡମ୍ବରରେ ପାଳନ ହେଉଛି ।  କୃଷ୍ଣ ଜନ୍ମନୀତି । ବିଭିନ୍ନ ମନ୍ଦିର ସମେତ ଘରେ ଘରେ ବି ପାଳନ ହେଉଛି  ଜନ୍ମାଷ୍ଠମୀ । ପୌରାଣିକ କଥା  ଅନୁସାରେ  ଦ୍ୱାପର ଯୁଗରେ  କଂସକୁ  ବଧ କରିବା ନିମନ୍ତେ  ମାନବ ରୂପରେ ଧରାବତରଣ କରିଥିଲେ ଭଗବାନ ଶ୍ରୀ କୃଷ୍ଣ ।  ଧର୍ମର ରକ୍ଷା ପାଇଁ ଅଧର୍ମର  ବିନାଶ ପାଇଁ ଭାଦ୍ରବ ମାସ କୃଷ୍ଣ ପକ୍ଷ ଅଷ୍ଟମୀ ତିଥିର ମଧ୍ୟ ରାତ୍ରିରେ  ଦେବକୀଙ୍କ ଗର୍ଭରୁ ଜନ୍ମ ନେଇଥିଲେ ଶ୍ରୀକୃଷ୍ଣ । ତାଙ୍କ ଜନ୍ମ ତିଥିରେ ଶ୍ରୀ ମନ୍ଦିରରେ  ସ୍ୱତନ୍ତ୍ର ନୀତିକାନ୍ତି ହେବ । ଶ୍ରୀମନ୍ଦିରରେ ଶ୍ରୀକୃଷ୍ଣଙ୍କର ଜନ୍ମନୀତି ଓ ବାଲ୍ୟଲୀଳା ପ୍ରସ୍ତାବ ଅନ୍ୟତମ ତଥା ଆକର୍ଷଣୀୟ । ଆଜି ସ୍ରୀମନ୍ଦିରରେ ସନ୍ଧ୍ୟା ଧୂପ ପରେ ଗର୍ଭଗୃହ ସଫାହେବା ପରେ ବନ୍ଦ କରାଯାଏ ଜୟ ବିଜୟ ଦ୍ୱାର । ଟେରା ବନ୍ଧା ହୋଇ ଅଣସର ପିଣ୍ଡିଠାରେ  ଯେଉଡ ଭୋଗ , ଶାଗ , ତରକାରୀ , ଖିରୀ ରୋଷରୁ ଆସି ଶ୍ରୀଛାମୁରେ ରଖାହୁଏ । ଆଜି ସନ୍ଧ୍ୟା ୭ଟାରୁ ରାତି ୧୦ ଟା ଯାଏଁ ସାଧାରଣ ଦର୍ଶନ ବନ୍ଦ ରହିବ ।