ଭୁବନେଶ୍ୱର: ଲୋକଙ୍କ ସରକାରରେ ସହଜ ଓ ସୁଗମ ହେଉଛି ବ୍ୟବସ୍ଥା। ଅତ୍ୟାଧୁନିକ ଜ୍ଞାନକୌଶଳ ପ୍ରୟୋଗରେ ହାତପାହାନ୍ତାରେ ଉପଲବ୍ଧ ହେଉଛି ବିଭିନ୍ନ ସେବା। ଇ-ରେଜିଷ୍ଟ୍ରେସନ ଆପ୍ ଏବଂ ବାର୍ଷିକ ସଫଳତା ପୁସ୍ତିକାର ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝି । କହିଛନ୍ତି ଅନେକ ସମୟରେ ଜମିଜମାର ରେଜିଷ୍ଟ୍ରେସନ ଓ ମାଲିକାନାକୁ ନେଇ ଗୁରୁତ୍ୱପୂର୍ଣ୍ଣ ସମସ୍ୟା ଦେଖାଦେଇଥାଏ। କିନ୍ତୁ ଛୋଟ କାମ ପାଇଁ ଆଉ ରାଜସ୍ବ କାର୍ଯ୍ୟାଳୟକୁ ଦୌଡିବାକୁ ପଡିବ ନାହିଁ । ଏହି ଆପ୍ ଦ୍ୱାରା ଘରେବସି ରେଜିଷ୍ଟ୍ରେସନ ଡିଡ୍ ପାଇଁ ସ୍ଲଟ୍ ବୁକିଙ୍ଗ, ସାର୍ଟିଫାଏଡ୍ କପି ଓ ଇସି ପାଇଁ ଆବେଦନ କରିହେବ । ଜମିର ବେଞ୍ଚମାର୍କ ମାର୍କେଟ୍ ଭାଲ୍ୟୁ ମଧ୍ୟ ଜାଣିହେବ। ଏହି ଆପ୍ ରେ ସବ୍ ରେଜିଷ୍ଟ୍ରର ଅଫିସ ସମ୍ପର୍କରେ ସମ୍ପୂର୍ଣ୍ଣ ତଥ୍ୟ ମଧ୍ୟ ମିଳିପାରିବ। ଏହାଦ୍ୱାରା ଡିଜିଟାଲ ସେବା ପ୍ରଦାନରେ ସରକାର ଏକ ବଡ ମାଇଲଷ୍ଟୋନ ହାସଲ କରିଛନ୍ତି।
ଲୋକଙ୍କ ସରକାରରେ ସହଜ ଓ ସୁଗମ ହେଉଛି ବ୍ୟବସ୍ଥା। ଅତ୍ୟାଧୁନିକ ଜ୍ଞାନକୌଶଳ ପ୍ରୟୋଗରେ ହାତପାହାନ୍ତାରେ ଉପଲବ୍ଧ ହେଉଛି ବିଭିନ୍ନ ସେବା। ଆଜି @rdmodisha ବିଭାଗ ପକ୍ଷରୁ ଇ-ରେଜିଷ୍ଟ୍ରେସନ ଆପ୍ ଏବଂ ବାର୍ଷିକ ସଫଳତା ପୁସ୍ତିକାର ଉନ୍ମୋଚନ କରିଲି। ଅନେକ ସମୟରେ ଜମିଜମାର ରେଜିଷ୍ଟ୍ରେସନ ଓ ମାଲିକାନାକୁ ନେଇ ଗୁରୁତ୍ୱପୂର୍ଣ୍ଣ ସମସ୍ୟା… pic.twitter.com/ERaZOFUsZ6
— Mohan Charan Majhi (@MohanMOdisha) June 25, 2025
ଆହୁରି କହିଛନ୍ତି ବିଗତ ଏକ ବର୍ଷ ମଧ୍ୟରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ସଫଳତାଗୁଡିକ ଏହି ପୁସ୍ତିକାରେ ସ୍ଥାନ ପାଇଛି। ଜନସାଧାରଣ ଆମ ସରକାର ଉପରେ ଅନେକ ଆଶା ଓ ଭରସା ରଖିଛନ୍ତି। ସେହି ଭରସାକୁ ଅକ୍ଷୁର୍ଣ୍ଣ ରଖି ଆମେ ପ୍ରତ୍ୟେକ ସମୟରେ ଯତ୍ନବାନ ଓ ଦାୟିତ୍ୱବାନ ହୋଇ ନିରନ୍ତର ସେବା ଯୋଗାଉଛୁ ।
