୧୨ ଦିନ ଧରି ଏଲଓସିରେ ଲଗାତାର ଅସ୍ତ୍ରବିରତି ଉଲ୍ଲଙ୍ଘନ: ୧୦ ମୃତ

ନୂଆଦିଲ୍ଲୀ: ଆତଙ୍କବାଦୀ ଆଡ୍ଡା ଉପରେ ବିମାନ ଆକ୍ରମଣ ପରେ ପାକିସ୍ତାନ ଅସ୍ଥିର ସ୍ଥିତିରେ ଅଛି। ଭାରତର ବାୟୁସେନା ଆକ୍ରମଣ ପରେ, ପାକିସ୍ତାନୀ ସେନା ବିଳମ୍ବିତ ରାତିରେ LOC ସଂଲଗ୍ନ ଅଞ୍ଚଳରେ ପ୍ରବଳ ଗୁଳିଚାଳନା କରିଥିଲେ। ଏହି ଗୁଳିମାଡ଼ରେ ଏପର୍ଯ୍ୟନ୍ତ ୧୦ ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। କୁହାଯାଉଛି ଯେ ପାକିସ୍ତାନର ଏହି ଆକ୍ରମଣରେ ଆହୁରି ଅନେକ ଲୋକ ଆହତ ହୋଇଛନ୍ତି। ମିଳିଥିବା ସୂଚନା ଅନୁଯାୟୀ, ପାକିସ୍ତାନୀ ସେନା ତାଙ୍ଗଧର ଗାଁକୁ ଟାର୍ଗେଟ କରିଛି। ଆପଣଙ୍କୁ କହିରଖୁଛୁ ଯେ ପାକିସ୍ତାନ ଗତ ୧୨ ଦିନ ଧରି LOC ରେ ଲଗାତାର ଅସ୍ତ୍ରବିରତି ଉଲ୍ଲଂଘନ କରୁଥିଲା। ଯାହାକୁ ଭାରତ ପ୍ରତ୍ୟେକ ଥର ଉଚିତ ଜବାବ ଦେଇଥିଲା।  ଭାରତୀୟ ସେନାର ଏହି କାର୍ଯ୍ୟାନୁଷ୍ଠାନରେ ଲସ୍କର-ଏ-ତୈବା ଏବଂ ଜୈଶ-ଏ-ମହମ୍ମଦ ଭଳି ଆତଙ୍କବାଦୀ ସଂଗଠନର ଆଡ୍ଡା ମଧ୍ୟ ଧ୍ୱଂସ ପାଇଛି।  ଏଲଓସିରେ ପାକିସ୍ତାନୀ ଗୁଳିମାଡ଼ର ଉପଯୁକ୍ତ ଜବାବ ଦେଉଛି ଭାରତୀୟ ସେନା। ଜମ୍ମୁ-କାଶ୍ମୀରର ପୁଞ୍ଚରେ ପାକିସ୍ତାନ ପକ୍ଷରୁ ନିରନ୍ତର ଗୁଳିମାଡ଼ ଚାଲିଛି।