ନୂଆଦିଲ୍ଲୀ: ଚୀନ ଉପରେ ଅତିରିକ୍ତ ଟାରିଫ ଲଗାଇଲେ ଟ୍ରମ୍ପ । ଚୀନ ଉପରେ ୧୨୫% ନୁହେଁ ୧୪୫% ଟାରିଫ ଲାଗୁ ହୋଇଛି । ଫେଣ୍ଟାଲିନ ଟେରା ଚାଲାଣ ଅଭିଯୋଗରେ ୨୦% ଟାରିଫ ଲାଗୁ ହୋଇଛି । ୧୪୫ % ଟାରିଫ ଲାଗୁ ନେଇ ହ୍ୱାଇଟ ହାଉସ ପକ୍ଷରୁ ସ୍ପଷ୍ଟୀକରଣ କରାଯାଇଛି । ପୂର୍ୱରୁ ଚୀନ ଉପରେ ୧୨୫ % ଟାରିଫ ଲଗାଇଥିଲେ ଆମେରିକା ।
ଶୁକ୍ରବାର ଚୀନ୍ ୟୁରୋପୀୟ ସଂଘକୁ ଆମେରିକାର ଟାରିଫ ରୁଦ୍ଧରେ ଏକାଠି କାମ କରିବାକୁ ଅପିଲ୍ କରିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚୀନରୁ ଆସୁଥିବା କିଛି ସାମଗ୍ରୀ ଉପରେ ୧୪୫% ପର୍ଯ୍ୟନ୍ତ ବିପୁଳ ଶୁଳ୍କ ଲଗାଇବା ପରେ ଚୀନ ପକ୍ଷରୁ ଏହି ବିବୃତ୍ତି ଦିଆଯାଇଛି। ଏହାର ଜବାବରେ, ୟୁରୋପୀୟ ସଂଘ ମଧ୍ୟ କିଛି ଟିକସ ଲାଗୁ କରିବାକୁ ନିଷ୍ପତ୍ତି ନେଇଥିଲା, କିନ୍ତୁ ବର୍ତ୍ତମାନ ସେମାନେ 90 ଦିନ ପାଇଁ 20% ଟିକସକୁ ସ୍ଥଗିତ ରଖିଛନ୍ତି। ଚୀନ୍ ଏହା ମଧ୍ୟ ସ୍ପଷ୍ଟ କରିଛି ଯେ ଯଦି ଆମେରିକା ଏପରି ଚିନ୍ତାହୀନ ପଦକ୍ଷେପ ନେବା ଜାରି ରଖେ, ତେବେ ସେ ମଧ୍ୟ ବାଣିଜ୍ୟ ଯୁଦ୍ଧ ପାଇଁ ସମ୍ପୂର୍ଣ୍ଣ ପ୍ରସ୍ତୁତ ।
ରାଷ୍ଟ୍ରପତି ସି ଜିନପିଙ୍ଗ ବେଜିଂରେ ସ୍ପେନିସ ରାଷ୍ଟ୍ରପତି ପେଡ୍ରୋ ସାଞ୍ଚେଜଙ୍କ ସହ ସାକ୍ଷାତ ସମୟରେ ଏହି ନିବେଦନ କରିଥିଲେ। ସି ଜିନପିଙ୍ଗ ୟୁରୋପୀୟ ସଂଘକୁ ଚେତାବନୀ ମଧ୍ୟ ଦେଇଛନ୍ତି ଯେ ୱାଶିଂଟନ ଡିସି (ଆମେରିକା) ସହିତ ବଢ଼ୁଥିବା ବାଣିଜ୍ୟ ବିବାଦର ମୁକାବିଲା କରିବା ପାଇଁ ଚୀନ୍ ସହିତ ମିଶି କାମ କରିବା ଉଚିତ। ଚୀନ୍ ରାଷ୍ଟ୍ରପତି କହିଛନ୍ତି, “ଚୀନ ଏବଂ ୟୁରୋପ ମିଳିତ ଭାବରେ ସେମାନଙ୍କର ଅନ୍ତର୍ଜାତୀୟ ଦାୟିତ୍ୱ ପାଳନ କରିବା ଉଚିତ ।
