ନୂଆଦିଲ୍ଲୀ: ଦିଲ୍ଲୀ ହାଇକୋର୍ଟ ସ୍କୁଲ ଛାତ୍ରଛାତ୍ରୀଙ୍କ ଉପରେ ସ୍ମାର୍ଟଫୋନ ପାଇଁ ପ୍ରତିବନ୍ଧକ ଲଗାଇଛନ୍ତି । କୋର୍ଟ ତାଙ୍କ ନିଷ୍ପତ୍ତିରେ ସ୍ପଷ୍ଟ କରିଛନ୍ତି ଯେ ସ୍ମାର୍ଟଫୋନ୍ ବ୍ୟବହାର ଶିକ୍ଷାଦାନ, ପରିବେଶ ଉପରେ ନକାରାତ୍ମକ ପ୍ରଭାବ ପକାଏ । ଜଣେ ଛାତ୍ରଙ୍କ ଆବେଦନର ଶୁଣାଣି ସମୟରେ ଏହି ନିଷ୍ପତ୍ତି ଦିଲ୍ଲୀ ହାଇକୋର୍ଟ ନେଇଛନ୍ତି । ଯେଉଁଥିରେ ସ୍କୁଲରେ ମୋବାଇଲ୍ ଫୋନ୍ ବ୍ୟବହାର ସମ୍ପର୍କରେ ନିର୍ଦ୍ଦେଶାବଳୀ ଜାରି କରାଯାଇଥିଲା। ବିଚାରପତି ଅନୁପ ଜୟରାମ ଭାମ୍ବାନୀଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ମାମଲାରେ ନିଜର ମତ ସ୍ପଷ୍ଟ କରି କହିଛନ୍ତି ଯେ ପ୍ରଯୁକ୍ତିବିଦ୍ୟାର ଏହି ଯୁଗରେ ସ୍ମାର୍ଟଫୋନକୁ ସମ୍ପୂର୍ଣ୍ଣ ନକାରାତ୍ମକ ବୋଲି ବିବେଚନା କରାଯାଇପାରିବ ନାହିଁ । କୋର୍ଟ ତାଙ୍କ ଯୁକ୍ତିରେ କହିଛନ୍ତି ଯେ ଯଦି ସ୍ମାର୍ଟଫୋନକୁ ସଠିକ ଦିଗରେ ବ୍ୟବହାର କରାଯାଏ, ତେବେ ଏହା ପିଲାମାନଙ୍କ ପାଇଁ ଏକ ଶିକ୍ଷାଗତ ସମ୍ବଳ ଭାବରେ କାମ କରିପାରିବ । ତଥାପି, କୋର୍ଟ ଏହା ମଧ୍ୟ କହିଛନ୍ତି ଯେ ସ୍କୁଲ ପରିସରରେ ମନୋରଞ୍ଜନ ଉଦ୍ଦେଶ୍ୟରେ ଏହାର ବ୍ୟବହାର ଗ୍ରହଣୀୟ ହେବ ନାହିଁ । ଏହି ନିଷ୍ପତ୍ତି ପରେ, ସ୍କୁଲଗୁଡ଼ିକୁ ପିଲାମାନଙ୍କ ସ୍ମାର୍ଟଫୋନ୍ ବ୍ୟବହାର ଉପରେ ଉପଯୁକ୍ତ ନିର୍ଦ୍ଦେଶାବଳୀ ପ୍ରସ୍ତୁତ କରିବାର ଦାୟିତ୍ୱ ନିଆଯାଇଛି । ଯାହା ଦ୍ଵାରା ଏହାର ଅପବ୍ୟବହାର ନହେବ । ବ୍ୟବହାର ନିୟମର ଉଲ୍ଲଂଘନକୁ ରୋକିବା ପାଇଁ କୋର୍ଟ ସ୍କୁଲଗୁଡ଼ିକୁ ସ୍ୱଚ୍ଛ, ନିରପେକ୍ଷ ନିୟମ ଲାଗୁ କରିବାକୁ ନିର୍ଦ୍ଦେଶ ଦେଇଛନ୍ତି । କୋର୍ଟ ଏହା ମଧ୍ୟ ଚେତାବନୀ ଦେଇଛନ୍ତି ଯେ ସ୍ମାର୍ଟଫୋନର ବ୍ୟବହାର କେବଳ ଶିକ୍ଷାଗତ ଉଦ୍ଦେଶ୍ୟରେ ସୀମିତ ରହିବା ଉଚିତ । ଏହାକୁ ମନୋରଞ୍ଜନ, ସୋସିଆଲ ମିଡିଆ କିମ୍ବା ଗେମିଂ ଭଳି କାର୍ୟ୍ୟକଳାପ ପାଇଁ ଅନୁମତି ଦିଆଯାଇପାରିବ ନାହିଁ ।
