ଆଳି ବଜାରରେ ୧୬୩ ଧାରା ଲାଗୁ

କେନ୍ଦ୍ରାପଡା : ନୂଆବର୍ଷ ତୋରଣ ପୋତାକୁ ନେଇ ବିବାଦରୁ ଉତ୍ତେଜନା ଓ ଛକାପଞ୍ଝା । ବିଜେଡି ଓ ବିଜେପି କର୍ମୀ  ମୁହାଁମୁହିଁ ହେବା ପରେ ଜାରି ହେଲା ଧାରା  ୧୬୩ । କେନ୍ଦ୍ରାପଡା ଆଳି ବଜାର ଦୁର୍ଗା ମଣ୍ଡପ ଛକରେ  ବିଏନଏନଏସ ଧାରା  ୧୬୩ ଲାଗୁ ହୋଇଛି । ନୂଆବର୍ଶରେ ବିଜେପି କର୍ମୀ ଉକ୍ତ ଛକରେ ତୋରଣ ପୋତିଥିଲେ ହେଲେ ବିଜେଡି ବିରୋଧୀ କରିଛି ।  ଉଭୟ ଗୋଷ୍ଠୀ ମଧ୍ୟରେ ମୁହାଁମୁହିଁ ସ୍‌ଥିତି ଉପୁଜିଥିଲା । ପୋଲିସ ଘଟଣା ସ୍ଥଳରେ ପହଞ୍ଚି ସ୍ଥିତି ଶାନ୍ତ କରିବା ପରେ  ଉଭୟ କର୍ମୀର ଦଳକୁ ଥାନାକୁ ଡାକି ବିବାଦର ସମାଧାନ ପାଇଁ ଉଦ୍ୟମ ହୋଇଥିଲା । ମାଜିଷ୍ଟ୍ରେଟଙ୍କ   ନିର୍ଦ୍ଦେଶ କ୍ରମେ କଟକଣା ଲାଗୁ ହେବା ସହିତ  ଉଭୟ ପକ୍ଷଙ୍କୁ ଦୁର୍ଗା ମଣ୍ଡପ ଛକରେ  କୌଣସି କାଯ୍ୟକଳାପରୁ ନିବୃତ୍ତ ରହିବା ପାଇଁ  ନିର୍ଦ୍ଦେଶ ରହିଛି । କୋର୍ଟଙ୍କ ପରବର୍ତ୍ତୀ ନିର୍ଦ୍ଦେଶ ଯାଏଁ କଟକଣା ଲାଗୁ ରହିଛି ।  ଆଇନ ଶୃଙ୍ଖଳା ସ୍ଥିତିକୁ ଦୃଷ୍ଟିରେ ରଖି ସେଠାରେ ପୋଲିସ ମୁତୟନ କରାଯାଇଛି ।  ତେବେ ଏନେଇ ବିଜେପି ବିଜେଡି କିମ୍ବା  ପୋଲିସର ପ୍ରତିକ୍ରିୟା ମିଳିପାରି ନାହିଁ ।