ଅନୁଗୁଳ : ବସ ଚକ ତଳେ ଚାପି ହୋଇ ଚାଲିଗଲା ସ୍କୁଲବସ ହେଲପରଙ୍କ ଜୀବନ । ଏଭଳି ଘଟଣା ନିଶା ଶିଳ୍ପାଞ୍ଚଳ ଥାନା ଟାଙ୍ଗରସାହି ଗ୍ରାମରେ ଘଟିଛି । ମୃତକ ଜଣଙ୍କ ହେଉଛନ୍ତି ସୂଯ୍ୟ । ଘର କୋଶଳା ନାଥ ସାହିରେ । ସ୍ଥାନୀୟ ଲୋକମାନେ ସୂଯ୍ୟଙ୍କୁ କୋଶଳା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସୂଯ୍ୟଙ୍କୁ ସେଠାରେ ଡାକ୍ତର ମୃତ ଘୋଷଣା କରିଥିଲେ । ଏନେଇ ନିଶା ଶିଳ୍ପାଞ୍ଚଳ ପୁଲିସ ଦୁର୍ଘଟଣାଗ୍ରସ୍ତ ବସ ଓ ମୃତଦେହ ଜବତ କରି ତଦନ୍ତ ଚଳାଇଛି । ପୋଲିସର ସୂଚନା ଅନୁସାରେ , ଆଜି ସକାଳ ସାଢେ ୮ଟାରେ କୋଶଳା ଶିଶୁମନ୍ଦିର ବସ ଟାଙ୍ଗରସାହି ଗ୍ରାମର ଛାତ୍ର ଛାତ୍ରୀଙ୍କୁ ନେଇ ପ୍ରତିଦିନ ଆସୁଥିଲେ । ବସରେ ପିଲାଙ୍କୁ ଚଢାଇ ବସ ଗଡୁଥିବା ବେଳେ ଗୋଡ ଖସିଯିବାରୁ ଚକତଳେ ଚାପି ହୋଇ ସୂଯ୍ୟଙ୍କର ମୃତ୍ୟୁ ଘଟିଛି ।
ଚକ ତଳେ ଚାପି ହୋଇ ଚାଲିଗଲା ସ୍କୁଲବସ ହେଲପରଙ୍କ ଜୀବନ
