ପୂର୍ବ ଶତ୍ରୁତାରୁ ଫୁଟିଲା ଗୁଳି: ଯୁବକ ଆହତ

ଅନୁଗୋଳ: ପୂର୍ବ ଶତ୍ରୁତାକୁ କେନ୍ଦ୍ର କରି ଫୁଟିଲା ଗୁଳି । ଆହତ ଯୁବକ ମେଡିକାଲରେ ଭର୍ତ୍ତି । ପୋଲିସର ଛାନ୍‌ଭିନ୍‌ । କାଲି ବିଳମ୍ବିତ ରାତି ରେ ଘଟିଛି ଏମିତି ଅଭାବନୀୟ ଘଟଣା । ବାଗଡିଆ ଥାନା ପାତ୍ରପଡା ଗାଁରେ ଯୁବକଙ୍କୁ ଗୁଳିମାଡ । ଆହତ ଯୁବକ ମିଲୁ ବେହେରା । ତାଙ୍କ ବାମ ଗୋଡରେ ଗୁଳି ବାଜିଛି । ତାଙ୍କୁ ଚିକିତ୍ସା ପାଇଁ ଛେଣ୍ଡିପଦା ହସ୍‌ପିଟାଲରେ ଭର୍ତ୍ତି କରାଯାଇଛି । ମିଲୁ ବେହେରା ଓ ତାଙ୍କ ଭିଣୋଇଙ୍କ ବଡ ଭାଇ ପ୍ରଶାନ୍ତ ବେହେରାଙ୍କ ମଧ୍ୟରେ ପାରିବାରିକ ଝଗଡା ଥିଲା । ଗୁରୁବାର ଉଭୟଙ୍କ ମଧ୍ୟରେ ଯୁକ୍ତିତର୍କ ଉଗ୍ର ରୂପ ନେଇଥିଲା । ପ୍ରଶାନ୍ତ ଅଧିକ ଉତ୍ତେଜିତ ହୋଇ ମିଲୁଙ୍କ ଉପରକୁ ଗୁଳି କରିଥିଲେ ।ଏହା ପରେ ଘଟଣାସ୍ଥଳରୁ ପଳାଇଥିଲେ ପ୍ରଶାନ୍ତ । ଆହତ ମିଲୁଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି । ବାଗଡିଆ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।