ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବ ଦଳୀୟ ବୈଠକ ଆରମ୍ଭ  

ଭୁବନେଶ୍ୱର : ଶୀତ ଅଧିବେଶନ ପୂର୍ବରୁ ସର୍ବ ଦଳୀୟ ବୈଠକ ବାଚସ୍ପତି ସୁରମା ପାଢୀଙ୍କର ଅଧ୍ୟକ୍ଷତାରେ  ବୈଠକ ଚାଲିଛି । ଗୃହ ସୁରୁଖୁରୁରେ ଚାଲିବା ନେଇ  ବୈଠକରେ ଆଲୋଚନା କରାଯାଉଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ , ବିରୋଧୀ ଦଳ ମୁଖ୍ୟ ସଚେତକ , କଂଗ୍ରସ ବିଧାୟକ ଦଳ ନେତାଙ୍କ ସମେତ ଅନେକ ସଦସ୍ୟମାନେ ମଧ୍ୟ ଉପସ୍ଥିିତ ଅଛନ୍ତି । ବିଜେପି ସରକାରର ଏହା ହେଉଛି ଦ୍ୱିତୀୟ ଅଧିବେଶନ । ପ୍ରଥମ ଦିନରେ ଆସିବ ଅତିରିକ୍ତ ବଜେଟ । ମୁଖ୍ୟମନ୍ତ୍ରୀ ମୋହନ ମାଝୀ ଗୃହରେ ଅତିରିକ୍ତ ବଜେଟ ଆଣିବେ । ସେପଟେ ଆଜି ତିନି ଦଳ ବିଧାୟକ ଦଳ ବୈଠକ ବସିବ । ୧୧.୪୫ ମିନିଟରେ  ବସିବ ବିଜେପି ବିଧାୟକ ଦଳ ବୈଠକ । ମୁଖ୍ୟମନ୍ତ୍ରୀ ମୋହନ ମାଝୀଙ୍କ  ଅଧ୍ୟକ୍ଷତାରେ ବୈଠକ ବସିବ । ଅପରାହ୍ନ ୫ଟାରେ ବସିବ ବିଜୁ ଜନତା ଦଳର ବିଧାୟକ ଦଳ ବୈଠକ । ବିରୋଧୀ ଦଳ ନେତା ନବୀନ ପଟ୍ଟନାୟକ ଅଧ୍ୟକ୍ଷତାରେ ଶଙ୍ଖଭବନରେ ଏହି ବୈଠକ ବସିବ । ସେହିପରି କଂଗ୍ରେସ  ବିଧାୟକ ଦଳ ବୈଠକ  ସନ୍ଧ୍ୟା ୬ଟାରେ ବସିବ । କଂଗ୍ରେସ ଦଳ ନେତାଙ୍କ ବିଧାନଭା କକ୍ଷରେ ମଧ୍ୟ ଏହି ବୈଠକ ବସିବା ନେଇ  ସୂଚନା ରହିଛି । ଅନ୍ୟପଟେ ୧୧.୪୦ ମିନିଟରେ ସୁରକ୍ଷା ସ୍ଥିତି ପରକ୍ଷିବେ ପୋଲିସ ମହା ନିର୍ଦ୍ଦେଶକ । ଆସନ୍ତା କାଲିଠୁ ଆରମ୍ଭ ହେବାକୁ ଯାଉଛି  ବିଧାନ ସଭାର ଶୀତ କାଲିନ ଅଧିବେଶନ । ତା ପୂର୍ବରୁ ସର୍ବ ଦଳୀୟ ବୈଠକ ମଧ୍ୟ  ବସିଛି । ବିଧାନସଭା ପାଇଁ ଏଥର ମାଳ ମାଳ ପ୍ରସଙ୍ଗ  ରହିଛି ।