ସାନ ଭାଇର ଟାଙ୍ଗିଆ ଚୋଟରେ ବଡ଼ ଭାଇ ମୃତ

ଝାରସୁଗୁଡା: ଝାରସୁଗୁଡ଼ା ଜିଲ୍ଲା ଲଖନପୁର ଥାନା କୁଡାଲୋଇ ଗଙ୍ଗାପଡ଼ାରେ ଅଘଟଣ । ସାନ ଭାଇର ଟାଙ୍ଗିଆ ଚୋଟରେ ବଡ଼ ଭାଇର ମୃତ୍ୟୁ ହୋଇଛି । ମୃତ ବଡ଼ ଭାଇଙ୍କ ନାମ ସୁନୀଲ ସୋରେନ୍‌ ବୋଲି ଜଣାପଡିଛି । ଖବର ଅନୁଯାୟୀ, ରବିବାର ବିଳମ୍ବିତ ରାତିରେ କୌଣସି ଏକ କଥାକୁ ବଡ଼ଭାଇ ସୁନୀଲ ଓ ସାନ ଭାଇ ସୁଶୀଲଙ୍କ ମଧ୍ୟରେ ବଚସା ହୋଇଥିଲା l ଏଥିରେ ରାଗିଯାଇ ସୁଶୀଲ ଏକ ଟାଙ୍ଗିଆରେ ସୁନୀଲଙ୍କ ମୁଣ୍ଡରେ ଆକ୍ରମଣ କରିଥିଲେ l ପରିବାର ଲୋକେ ସୁନୀଲଙ୍କୁ ଉଦ୍ଧାର କରି ଚିକିତ୍ସାଳୟକୁ ନେଇଥିଲେ , ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ l ଅନ୍ୟପଟେ ଲଖନପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ସାନଭାଇ ସୁଶୀଲ ସୋରେନ୍‌ଙ୍କୁ ଅଟକ ରଖିଛି । ଏହାସହ ତଦନ୍ତ ମଧ୍ୟ ଜାରି ରଖିଛି । ବାକି ଅଧିକ ତଦନ୍ତ ଲାଗି ସାଇଣ୍ଟିଫିକ୍‌ ଟିମ୍‌ର ମଧ୍ୟ ସହଯୋଗ ଲୋଡିଛି ପୋଲିସ ।