ପ୍ଲାଷ୍ଟିକ୍ ଫ୍ୟାକ୍ଟ୍ରିରେ ଅଗ୍ନିକାଣ୍ଡ

ଝାରସୁଗୁଡା: ଝାରସୁଗୁଡ଼ା ବେହେରାପାଲି ପ୍ଲାଷ୍ଟିକ୍ ଫ୍ୟାକ୍ଟ୍ରିରେ ଭୟାନକ ଅଗ୍ନିକାଣ୍ଡ । ରିୟାନ ପଲିଟେକ୍ନିକ୍ ଇଣ୍ଡଷ୍ଟ୍ରିଜରେ ନିଆଁ ଲାଗି ସବୁ କିଛି ଜାଳି ପୋଡି ପାଉଁଶ। ଆଜି ସକାଳୁ ପାଇପ୍ କାରଖାନାର ଅଳିଆ ଗଦାରୁ ନିଆଁ ଲାଗିଥିଲା । ପରେ ଏହା ଧୀରେ ଧୀରେ ଅନ୍ୟସ୍ଥାନ ବ୍ୟାପିବାରେ ଲାଗିଛି । ନିଆଁ ଆୟତ୍ତ କରିବାକୁ ଝାରସୁଗୁଡ଼ା ଅଗ୍ନିଶମ ବାହିନୀର ୨ଟି ଗାଡ଼ି, ଜିନ୍ଦଲ ଷ୍ଚିଲ୍ ଏବଂ ପାଓ୍ବାର ଏବଂ ବେଦାନ୍ତ କାରଖାନାର ଦମକଳ ଗାଡ଼ି ନିୟୋଜିତ ହୋଇଛନ୍ତି । ତେବେ ଏଥିରେ କାହାର କିଛି କ୍ଷତି ଘଟିଥିବା ନେଇ ସୂଚନା ମିଳିନି ।