ନୂଆଦିଲ୍ଲୀ : ଇସ୍ରାଏଲ ଆକ୍ରମଣର କଡା ଟକ୍କର ଦେବାକୁ ଇରାନ ଏବେ ହେଉଛି ପ୍ରସ୍ତୁତ । ବରିଷ୍ଠ ଇସଲାମିକ୍ ରିଭୋଲ୍ୟୁସନ୍ ଗାର୍ଡ କର୍ପସ (ଆଇଆରଜିସି) କମାଣ୍ଡର ବ୍ରିଗେଡିୟର୍ ଜେନେରାଲ୍ ଅବ୍ୱାସ ନିଲଫୋରୁଶାନଙ୍କ ହତ୍ୟା ପାଇଁ ଇସ୍ରାଏଲଠାରୁ ଏହାର ପ୍ରତିଶୋଧ ନେବାକୁ ଶପଥ ନେଇଛି ଇରାନ । ସୋମବାର ବେ?ଦେଶିକ ମନ୍ତ୍ରଣାଳୟ ଏହି ହତ୍ୟାକାଣ୍ଡକୁ ବେଆଇନ ଏବଂ କ୍ଷମା ଯୋଗ୍ୟ ଅପରାଧ ବୋଲି କହିଛି । ଏହା ସହ କହିଛି ଯେ ଜିଓନିଷ୍ଟ ଶାସନକୁ ଦଣ୍ଡ ଦେବା ପାଇଁ ସମସ୍ତ ଉପାୟ ବ୍ୟବହାର କରିବ ।
ସେପ୍ଟେମ୍ବର ୨୭ ରେ ହିଜବୁଲାର ମୁଖ୍ୟ ସୟିଦ ହାସନ ନାସରାଲ୍ଲାଙ୍କ ସହ ଦକ୍ଷିଣ ବେରୁଟ ଉପରେ ଓଊୠ ଷ୍ଟ୍ରାଇକ୍ ପରେ ନିଲଫୋରୁଶାନଙ୍କୁ ମୃତ୍ୟୁ ହୋଇଥିଲା । ସୋମବାର ଇରାକର ପବିତ୍ର ସହର ନଜାଫ ଏବଂ କରବାଲା ତଥା ଇରାନର ଉତ୍ତର-ପୂର୍ବ ସହର ମଶହାଡରେ ନିଲଫୋରୁଶାନଙ୍କ ଅନ୍ତିମ ସଂସ୍କାର କରାଯାଇଥିଲା । ବିଶ୍ଳେଷକମାନେ ଆଶଙ୍କା କରିଛନ୍ତି ଯେ ସାମରିକ ବିପର୍ଯ୍ୟୟ ପରେ ଇରାନ ଏବେ ଇସ୍ରାଏଲ ଉପରେ ଆଣବିକ ଶକ୍ତି ବ୍ୟବହାର କରିବାକୁ ଚେଷ୍ଟା କରିପାରେ ।
ତିନି ବର୍ଷରୁ ଅଧିକ ସମୟ ଧରି ଗ୍ରେଡ୍ ୟୁରାନିୟମ୍ ଅସ୍ତ୍ରଶସ୍ତ୍ରକୁ ସମୃଦ୍ଧ କରିବାରେ ତେହେରାନ ଦ୍ୱିଗୁଣିତ ହୋଇ ୬୦% ଶୁଦ୍ଧତାରେ ପହଞ୍ଚିଛି । ଆନ୍ତର୍ଜାତୀୟ ଆଣବିକ ଶକ୍ତି ଏଜେନ୍ସି ଅନୁଯାୟୀ, ଇରାନ ଯଦି ସପ୍ତାହେ ମଧ୍ୟରେ ପ୍ରାୟ ତିନୋଟି ଆଣବିକ ବୋମା ଉତ୍ପାଦନ କରିବାକୁ ଚାହେଁ, ତେବେ ତା ପାଖରେ ପର୍ଯ୍ୟାପ୍ତ ପରିମାଣର ପଦାର୍ଥ ଅଛି । ତେବେ, ସ୍ପଷ୍ଟ କରିଛି ଯେ, ବର୍ତ୍ତମାନ ଇରାନର ବୋମା ବିକଶିତ କରିବାର ଉଦ୍ଦେଶ୍ୟ ନାହିଁ । ଅବଶ୍ୟ, ଏହି ନିଷ୍ପତ୍ତି ଭବିଷ୍ୟତରେ ବଦଳିପାରେ ।
