ୱାଶିଂଟନ : ଆମେରିକା କାଲିଫର୍ନିଆର ମହିଳା ସିନେଟର ମେରି ଆଲଭାରାଡୋ-ଗିଲଙ୍କ ନାମରେ ତାଙ୍କର ଜଣେ ପୂର୍ବତନ କର୍ମଚାରୀ ଅଭିଯୋଗ କରିଛନ୍ତି । ତାଙ୍କୁ ସେ ‘ଯୌନ ଦାସ’ ଭାବରେ ବ୍ୟବହାର କରୁଥିବା ଗିଲଙ୍କ ପୂର୍ବତନ ମୁଖ୍ୟ କର୍ମଚାରୀ ଗୁରୁତର ଅଭିଯୋଗ କରିଛନ୍ତି । ପୀଡିତ ସିନେଟରଙ୍କ ବିରୋଧରେ ମଧ୍ୟ ମାମଲା ଦାୟର କରିଛନ୍ତି ।
ଡିସେମ୍ବରରେ ପୀଡିତାଙ୍କ ଇଚ୍ଛା ପୂରଣ ନକରିବାରୁ ତାଙ୍କୁ ଚାକିରିରୁ ବରଖାସ୍ତ କରାଯାଇଥିଲା । ତେବେ ମେରି ଆଲଭାରାଡୋଙ୍କ ଓକିଲ ଏହି ଅଭିଯୋଗକୁ ପ୍ରତ୍ୟାଖ୍ୟାନ କରିଛନ୍ତି । ସେ କହିଛନ୍ତି ଯେ ଟଙ୍କା ପାଇବା ପାଇଁ ପୂର୍ବତନ କର୍ମଚାରୀ ଏହି କାହାଣୀ ତିଆରି କରିଛନ୍ତି । ୨୦୨୨ରେ, ଅଲଭାରାଡୋ-ଗିଲ କଣ୍ଟିଟ ନାମକ ଜଣେ ବ୍ୟକ୍ତିଙ୍କୁ ତାଙ୍କର ମୁଖ୍ୟ ଭାବରେ ନିଯୁକ୍ତ କରିଥିଲେ । କିନ୍ତୁ ବର୍ତ୍ତମାନ କଣ୍ଟିଟ ସିନେଟରଙ୍କ ବିରୋଧରେ ମକଦ୍ଦମା ଦାୟର କରିଛନ୍ତି । ସେ ଅଭିଯୋଗ କରିଛନ୍ତି ଯେ କାମ କରିବା ଏବଂ ଯାତ୍ରା କରିବା ସମୟରେ ତାଙ୍କୁ ଯୌନ ଦାସ ଭଳି ବ୍ୟବହାର କରାଯାଇଥିଲା ।
ଯୌନ ସମ୍ପର୍କ ପାଇଁ ବାଧ୍ୟ କରାଯାଉଥିଲା । ନ୍ୟୁୟର୍କ ପୋଷ୍ଟର ସୂଚନା ଅନୁଯାୟୀ ପୀଡିତ ଚାଡ କଣ୍ଟିଟ କହିଛନ୍ତି ଯେ କ୍ରମାଗତ ଯୌନ ସମ୍ପର୍କ ହେତୁ ତାଙ୍କ ପିଠି ଏବଂ ଯୌନାଙ୍ଗ ନଷ୍ଟ ହୋଇଯାଇଛି । ପୀଡିତ ଅଭିଯୋଗ କରିଛନ୍ତି ଯେ ୨୦୨୩ରେ ତାଙ୍କୁ କାରରେ ‘ଓରାଲ ସେକ୍ସ’ କରିବାକୁ କୁହାଯାଇଥିଲା । କାରରେ ବାରମ୍ବାର ସୁଇଙ୍ଗ ଏବଂ ଟର୍ନ ଯୋଗୁଁ ସେ ପିଠିରେ ଗଭୀର ଆଘାତ ପାଇଥିଲେ । ଏହାର ଫଳସ୍ୱରୂପ ସେ ଗଭିର ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ହୋଇଥିଲେ । ଆଘାତ ସତ୍ତ୍ୱେ ମହିଳା ସିନେଟର ପୀଡିତଙ୍କୁ ଯୌନ ସମ୍ପର୍କ ରଖିବାକୁ ଚାପ ଜାରି ରଖିଥିଲେ । ପୀଡିତ ମଧ୍ୟ ତାଙ୍କ ଆଘାତର ବାହାନା କରିଥିଲେ । କିନ୍ତୁ ତାଙ୍କୁ କୌଣସି ଆଶ୍ୱସ୍ତି ମିଳି ନଥିଲା । ଏହି ବାହାନାରେ ରାଗିଯାଇ ମହିଳା ସିନେଟର ପୀଡିତଙ୍କୁ ଅନୁପଯୁକ୍ତ ଆଚରଣ କରିଥିବା ଅଭିଯୋଗ କରିଛନ୍ତି ଏବଂ ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ଚିଠି ଲେଖିଛନ୍ତି ।
