ତାଳଚେର ଖଣି ଉପ ନିର୍ଦ୍ଦେଶକଙ୍କ ଘରେ ରେଡ

ଭୁବନେଶ୍ୱର : ଆଜି ସୋମବାର ସକାଳୁ ତାଳଚେର ଖଣି ଉପ ନିର୍ଦ୍ଦେଶକଙ୍କ ଘରେ ଚଢ଼ାଉ କରିଛି । ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଡିଡିଏମ୍ ଧରଣୀଧର ନାୟକ ଭିଜିଲାନ୍ସ ଜାଲରେ ପଡ଼ିଛନ୍ତି । ଧରଣୀଧର ବାଲିଆ ମାଫିଆ ଓ ପଥର ମାଫିଆଙ୍କୁ ଅନୁକମ୍ପା ଦେଖାଇ ତାଙ୍କ ନିକଟରୁ ଟଙ୍କା ନେଉଥିବା ତାଙ୍କ ନାଁରେ ଅଭିଯୋଗ ହୋଇଥିଲା। ଏହା ପରେ ତାଙ୍କ ଘରେ ଭିଜିଲାନ୍ସ ଚଢ଼ାଉ ହୋଇଛି । ଏକକାଳୀନ ୮ଟି ସ୍ଥାନରେ ଚଢ଼ାଉ କରାଯାଉଛି । ଖଣି ଉପ ନିର୍ଦ୍ଦେଶକ ଧରଣୀଧର ନାୟକ ବାଲିଆ ମାଫିଆ ଓ ପଥର ମାଫିଆଙ୍କୁ ଅନୁକମ୍ପା ଦେଖାଇ ତାଙ୍କ ନିକଟରୁ ଟଙ୍କା ନେଉଥିବା ତାଙ୍କ ନାଁରେ ଅଭିଯୋଗ ହୋଇଥିଲା। ଏହା ପରେ ଆଜି ଅନୁଗୁଳ, ଭୁବନେଶ୍ୱର ଓ କେନ୍ଦୁଝରରେ ଚଢ଼ାଉ ହେଉଛି । ଭୁବନେଶ୍ୱର ପଟିଆସ୍ଥିତ ଶିଶୁ ବିହାରର ସୁରେଖା ଅର୍ଚିଡରେ ଥିବା ଫ୍ଲାଟ୍,କେନ୍ଦୁଝର ତେଲକୋଇରେ ବଡ଼ିନାଲି ସିଙ୍କୁଳବାହାଲରେ ଥିବା ଦୁଇ ମହଲା ବିଶିଷ୍ଟ ମାର୍କେଟ୍ କମ୍ପ୍ଲେକ୍ସ, ଯେଉଁଥିରେ ମୋଟ ୧୫ଟି ଦୋକାନ ରହିଛି । ସେହିପରି ସିଙ୍କୁଳବାହାଲ ଜଗମୋହନପୁରରେ ନିର୍ମାଣଧିନ ଅବସ୍ଥାରେ ଥିବା ଆଉ ଏକ ମାର୍କେଟ୍ କମ୍ପ୍ଲେକ୍ସରେ ମଧ୍ୟ ଚଢ଼ାଉ ହୋଇଛି । ସିଙ୍କୁଳବାହାଲରେ ଥିବା ଏକ କୋଠା, ଛାମୁଣ୍ଡାରେ ଥିବା ପୈତୃକ ଘର, ଅନୁଗୁଳରେ ଥିବା ଏକ ଅସ୍ଥାୟୀ ଘର ଓ କାର୍ଯ୍ୟାଳୟରେ ଯାଞ୍ଚ କରାଯାଉଛି । ଅନ୍ୟପକ୍ଷରେ କେନ୍ଦୁଝରରେ ଥିବା ସମ୍ପର୍କିୟଙ୍କ ଘରେ ଚଢ଼ାଉ ଜାରି ରହିଛି । ଚଢ଼ାଉ ସମୟରେ ଅନେକ ମୂଲ୍ୟବାନ ଜିନିଷ ଦେଖିବାକୁ ମିଳିଛି । ଦାମୀ ଖଟ, ଟିଭି, ଏକାଧିକ ବ୍ୟାଙ୍କ ପାସବୁକ, ଏଟିଏମ୍ ଓ କ୍ରେଡିଟ୍ କାର୍ଡ, ସୁନା ଗହଣା ଆଦି ଠାବ କରାଯାଉଛି । ଏହି ଚଢ଼ାଉରେ ଭିଜିଲାନ୍ସର ୧୦ ଡିଏସପି, ୧୬ ଇନସ୍ପେକ୍ଟର, ୭ ଏସଆଇ ଓ ଅନ୍ୟ ସହ କର୍ମଚାରୀ ମଧ୍ୟ ସାମିଲ ରହିଛି ।