ଓଡିଶା ଅବସରପ୍ରାପ୍ତ ପୋଲିସ ପଦାଧିକାରୀ କଲ୍ୟାଣ ସମିତିର ଆରକ୍ଷୀ ମହାନିର୍ଦ୍ଦେଶକଙ୍କୁ ସମ୍ବର୍ଦ୍ଦନା

ଭୁବନେଶ୍ୱର : ଓଡିଶା ଅବସରପ୍ରାପ୍ତ ପୋଲିସ ପଦାଧିକାରୀ କଲ୍ୟାଣ ସମିତିର କାର୍ଯ୍ୟକର୍ତ୍ତାମାନେ ଆଜି ସମିତିର ସଭାପତି ଶ୍ରୀ ସୂର୍ଯ୍ୟମଣି ତ୍ରୀପାଠୀଙ୍କ ନେତୃତ୍ୱରେ ନୂତନ ଆରକ୍ଷୀ ମହାନିର୍ଦ୍ଦେଶକ ଶ୍ରୀ ୟୋଗେଶ ବାହାଦୁର ଖୁରାନିଆଙ୍କୁ ପୋଲିସ ଭବନ ଠାରେ ପୁଷ୍ପଗୁଚ୍ଛଦେଇ ସମ୍ବର୍ଦ୍ଧିତ କରିଥିଲେ । ଆରକ୍ଷୀ ମହାନିର୍ଦ୍ଦେଶକ ଶ୍ରୀ ଖୁରାନିଆ ସମସ୍ତଙ୍କୁ ସେମାନଙ୍କର ସ୍ୱାସ୍ଥ୍ୟ ସଂପର୍କରେ ପଚାରିବା ସହ ଅପସରପ୍ରାପ୍ତ ପୋଲିସ ଅଧିକାରୀ ମାନଙ୍କର କାର୍ଯ୍ୟ ଦକ୍ଷତାକୁ ଉଚ୍ଚ ପ୍ରଶଂସା କରିଥିଲେ । ନିଜ ନିଜର ସ୍ୱାସ୍ଥ୍ୟ ପ୍ରତି ସଚେତନ ରହିବା ସହ ସାମାଜିକ କାର୍ଯ୍ୟରେ ନିୟୋଜିତ ହୋଇ ସମାଜର ମଙ୍ଗଳ କରିବା ଓ ସ୍ଥାନୀୟ ପୋଲିସ ପ୍ରଶାସନକୁ ଆଇନଶୃଙ୍ଖଳା, ଅପରାଧ ନିୟନ୍ତ୍ରଣ ଆଦି କାର୍ଯ୍ୟରେ ଦିଗଦର୍ଶନ ଦେବା ପାଇଁ ଆରକ୍ଷୀ ମହାନିର୍ଦ୍ଦେଶକ ଶ୍ରୀ ଖୁରାନିଆ ପରାମର୍ଶ ଦେଇଥିଲେ । ରାଖି ପୁର୍ଣ୍ଣିମା ଅବସରରେ ଶ୍ରୀମତୀ ଶୁରାନିଆ ସଂଗଠନ ସଂପାଦକ ନୀଳମୋହନ ତ୍ରିପାଠୀଙ୍କୁ ରାଖି ବାନ୍ଧି ସଂଗଠନର ସମସ୍ତଙ୍କ ମଙ୍ଗଳ କାମନା କରିଥିଲେ । ଏହି କାର୍ଯ୍ୟକ୍ରମରେ ସଂଗଠନର ପରାର୍ମଶ ଦାତା ନଗେନ୍ଦ୍ରନାଥ ଦାଶ,ଉପସଭାପତି ଦେବେନ୍ଦ୍ର ନାଥ ଶତପଥୀ, ସାଧାରଣ ସଂପାଦକ ବିଜୟକୃଷ୍ଣ ମହାନ୍ତି, ବରିଷ୍ଠ ସଭ୍ୟ ଶରତଚନ୍ଦ୍ର ସାହୁ ଆଦି ସହଯୋଗ କରିଥିଲେ ।