ଡିସେମ୍ବର ୧୫ରୁ ବିବିଏଲ୍‌ର ପରବର୍ତ୍ତୀ ସିଜନ୍

ସିଡ୍‌ନୀ: କ୍ରିକେଟ୍ ଅଷ୍ଟ୍ରେଲିଆର ଫ୍ରାଞ୍ଚାଇଜି ଆଧାରିତ ଟି-୨୦ ଲିଗ୍ ବିଗ୍ ବ୍ୟାଶ୍ ଲିଗ୍ (ବିବିଏଲ୍‌)ର ୧୪ତମ ସିଜନ୍ ଡିସେମ୍ବର ୧୫ରୁ ଆରମ୍ଭ ହେବ । ଶୁକ୍ରବାର ଘୋଷିତ କାର୍ଯ୍ୟସୂଚୀ ଅନୁସାରେ ଲିଗ୍‌ର ଫାଇନାଲ୍ ମ୍ୟାଚ୍ ୨୦୨୫ ଜାନୁଆରୀ ୧୯ରେ ଖେଳାଯିବ । ମଝିରେ ଡିସେମ୍ବର ୨୪ ଓ ୨୫କୁ ଛାଡ଼ିଦେଲେ ସମସ୍ତ ଦିନ ମ୍ୟାଚ୍ ହେବ । ନୂଆ ସିଜନ୍‌ର ଉଦ୍‌ଘାଟନୀ ମ୍ୟାଚ୍ ଲିଗ୍‌ର ସବୁଠୁ ସଫଳ ଟିମ୍ ପର୍ଥ ସ୍କର୍ଚର୍ସ ଏବଂ ମେଲବର୍ଣ୍ଣ ଷ୍ଟାର୍ସ ମଧ୍ୟରେ ପର୍ଥର ଅପ୍ଟସ୍ ଷ୍ଟାଡିୟମ୍‌ରେ ଖେଳାଯିବ । ଟୁର୍ଣ୍ଣାମେଣ୍ଟ୍‌ର ପ୍ରାରମ୍ଭିକ ୮ ଦିନରେ ପ୍ରତ୍ୟେକ ଟିମ୍ ହୋମ୍ ଗ୍ରାଉଣ୍ଡ୍‌ରେ ଅତି କମ୍‌ରେ ଗୋଟିଏ ମ୍ୟାଚ୍ ଖେଳିବେ । ଚଳିତ ଥର ୭ଟି ଭେନ୍ୟୁରେ ମ୍ୟାଚ୍ ଆୟୋଜନ ହେବ । ଏହା ମଧ୍ୟରେ ଜିଲୋଙ୍ଗ୍‌କୁ ନୂଆ ଭେନ୍ୟୁ କରାଯାଇଛି । ବିବିଏଲ୍‌-୧୪ର ଲିଗ୍ ପର୍ଯ୍ୟାୟ ଜାନୁଆରୀ ୧୯ ପର୍ଯ୍ୟନ୍ତ ଖେଳାଯିବ । ଏହାପରେ ଜାନୁଆରୀ ୨୧ରେ କ୍ୱାଲିଫାୟର୍‌, ୨୨ରେ ନକ୍‌ଆଉଟ୍‌, ୨୪ରେ ଚ୍ୟାଲେଞ୍ଜ୍ ମ୍ୟାଚ୍ ଏବଂ ଜାନୁଆରୀ ୨୭ରେ ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବ ।