ପ୍ରିନ୍ସିପାଲ୍‌ଙ୍କ ସହ ସେହି କଲେଜ ସହକର୍ମୀ ଯାହା କଲେ ଜାଣିଲେ ହେବେ ଆଶ୍ଚର୍ଯ୍ୟ…

ପ୍ରୟାଗରାଜ : ଆଜିକାଲି ପରୀକ୍ଷା ପେପର୍‌ ଲିକ୍‌ ପ୍ରସଂଗ ଦେଶରେ ଖୁବ୍ ଜୋର୍‌ ଚର୍ଚ୍ଚାରେ ରହିଥିବା ବେଳେ ଉତ୍ତରପ୍ରଦେଶରେ ମଧ୍ୟ ସମାନ ଏକ ଘଟଣା ଘଟିଯାଇଛି। ପରୀକ୍ଷାରେ ପେପର୍‌ ଲିକ୍‌ କରିଥିବା ଅଭିଯୋଗରେ ୟୁପିର ଜଣେ ପ୍ରିନ୍ସିପାଲ୍‌ଙ୍କୁ ସେହି ସ୍କୁଲ୍‌ର କିଛି ସହକର୍ମଚାରୀ ମିଶି ବଳପୂର୍ବକ ତାଙ୍କ ଚେୟାରରୁ ଟାଣି ଟାଣି ବାହାରକୁ ଆଣୁଥିବାର ଏକ ଭାଇରାଲ୍‌ ଭିଡିଓ‌ରେ ଦେଖିବାକୁ ମିଳିଛି। ଏକ ଅନୁଷ୍ଠାନର ଅଧ୍ୟକ୍ଷଙ୍କ ନେତୃତ୍ୱରେ ବିଦ୍ୟାଳୟର ଏକ ଦଳ ପ୍ରଧାନ ଶିକ୍ଷକଙ୍କ କାର୍ଯ୍ୟାଳୟରେ ପ୍ରବେଶ କରି ତୁରନ୍ତ ତାଙ୍କ ଚେୟାର ଖାଲି କରିବାକୁ ଦାବି କରିଥିଲେ। ପ୍ରିନ୍ସିପାଲ୍ ପ୍ରତିରୋଧ କରିଥିଲେ ବି କେହି ତାହାକୁ ଖାତିର କରିନଥିଲେ। ପରବର୍ତ୍ତୀ ସମୟରେ, ନୂତନ ଭାବେ ନିଯୁକ୍ତ ପ୍ରିନ୍ସିପାଲଙ୍କୁ ସେ ଦଳ ନେଇ ତାଙ୍କ ସ୍ଥାନରେ ବସାଇଥିଲେ। ଉପସ୍ଥିତ ଲୋକ କରତାଳି ଦେଇ ତାଙ୍କୁ ଅଭିବାଦନ ଜଣାଇଥିଲେ। ଏ ସମସ୍ତ ଦୃଶ୍ୟ ଭିଡିଓରେ ଦେଖିବାକୁ ମିଳିଛି। ଏହି ୨ ମିନିଟ ୨୦ ସେକେଣ୍ଡର କ୍ଲିପ ବର୍ତ୍ତମାନ ସୋସିଆଲ ମିଡିଆରେ ଖୁବ୍‌ ଜୋର୍‌ରେ ଭାଇରାଲ ହୋଇ ଉତ୍ତେଜନା ସୃଷ୍ଟି କରିଛି। ଏହି ନାଟକୀୟ ଭିଜୁଆଲ୍ ଉତ୍ତରପ୍ରଦେଶର ପ୍ରୟାଗରାଜର ବିଶପ୍ ଜନସନ ବାଳିକା ବିଦ୍ୟାଳୟରେ ସୁଟ୍‌ ‌ହୋଇଛି। ଏହି ବିବାଦ ମୂଳରେ ଏକ ପରୀକ୍ଷା କାଗଜ ଲିକ୍ ମାମଲା ଜଡ଼ିତ ବୋଲି ସୂଚନା ରହିଛି। ଫେବ୍ରୁଆରି ୧୧ ତାରିଖରେ, ପ୍ରୟାଗରେ ପରୀକ୍ଷା ଆରମ୍ଭ ପୂର୍ବରୁ କାଗଜ ଲିକ୍ ହୋଇଥିଲା। ଏହି ଲିକ୍‌ ପଛରେ ପ୍ରିନ୍ସିପାଲ୍‌ଙ୍କ ହାତ ଥିବା ଅଭିଯୋଗ ହୋଇଛି।