ଭୁବନେଶ୍ୱର: ଦୁଇ ବ୍ରାଉନ ସୁଗର ବେପାରୀଙ୍କୁ ବନ୍ଧିଲେ ଜଟଣୀ ଥାନା ପୁଲିସ । ଗିରଫ ଅଭିଯୁକ୍ତମାନେ ହେଲେ ଭଦ୍ରକ ପୁରୁଣା ବଜାରର ସେଖ ଲାଲ ମହମ୍ମଦ ଏବଂ ଅନ୍ୟ ଜଣଙ୍କ ଏସ.କେ. ସାଇରଉଦିନ । ସୂଚନା ମୁତାବକ, ଉଭୟ ବେପାରୀ ବ୍ରାଉନ ସୁଗର ବିକ୍ରୀ ଟଙ୍କାରେ ମଉଜ ମଜଲିସ କରୁଥିଲେ । ଦିନରେ ଶ୍ରମିକ ଭାବେ କାମ କରୁଥିଲେ ହେଲେ ରାତି ହେଲେ ଉଭୟଙ୍କ ବଦଳି ଯାଏ ଅନ୍ଦାଜ । ବେପାରୀକୁ ବାନ୍ଦିଲା ଜଟଣୀ ପୋଲିସ ।
ଜଟଣୀ ଖଣ୍ଡୁଆଳ ମନ୍ଦିର ନିକଟରେ ବ୍ରାଉନ ସୁଗାର ବିକ୍ରି ପାଇଁ ଛିଡା ହେଇଥିବା ବେଳେ ମାଡ଼ି ବସିଥିଲା ପୋଲିସ । ଦୀର୍ଘଦିନ ହେବ ବାଲେଶ୍ୱର ଜଳେଶ୍ୱରରୁ ଆଣି କଟକ ଓ ଭୁବନେଶ୍ୱରରେ ବିକ୍ରି କରୁଥିଲେ ଧଳା ଜହର ।ପୁଲିସ ୨ ଜଣକଠାରୁ ୪୧ଗ୍ରାମ ଧଳାଜହର ଯାହାର ଆନୁମାନିକ ମୁଲ୍ୟ ହେବ ୪ ଲକ୍ଷ ଟଙ୍କା । ସେମାନଙ୍କଠାରୁ ୪୩୭୦ ନଗଦ ଟଙ୍କା ମଧ୍ୟ ଜବତ କରିଛି ପୁଲିସ । ଉଭୟ ବେପାରୀ ପୋଲିସକୁ ଚଖ୍ମା ଦେବା ପାଇଁ ସାଧାରଣ ଭେଶରେ ବାଲେଶ୍ୱରରୁ ବରମୁଣ୍ଡା ବସ ଷ୍ଟାଣ୍ଡ ଆସନ୍ତି ଓ ପରେ ଓଟ ଭଡ଼ା କରି ବିକ୍ରୀ ପାଇଁ ବିଭିନ୍ନ ସ୍ଥାନକୁ ଯାଆନ୍ତି ।
ପୂର୍ବରୁ ଯୋଜନା ଅନୁଯାୟୀ ଗ୍ରହକମାନଙ୍କ ପାଖରେ ଛୋଟ ଛୋଟ ପୁଡିଆ କରି ବିକ୍ରି କରନ୍ତି । ଏନେଇ ଜଟଣୀ ଥାନାଧିକାରୀ ଖବର ପାଇବାପରେ ଏକ ସ୍ପେଶାଲ ଟୀମ ସେଞ୍ଚୁରିଅନ ୟୁନିଭରସିଟି ନିକଟସ୍ଥ ମା ଖଣ୍ଡୁଆଳ ମନ୍ଦିର ସମୁଖରେ ଅତର୍କିତ ଚଢଉ କରିବା ସହିତ ବ୍ରାଉନସୁଗାର ବେପାରୀଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଉଭୟଙ୍କୁ ଆଜି କୋର୍ଟ ଚାଲାଣ କରିଛି ପୁଲିସ ।
