ମୁମ୍ଵାଇ: ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ। ତାଙ୍କ ସ୍ୱାମୀ, ବ୍ୟବସାୟୀ ତଥା ଅଭିନେତା ରାଜ୍ କୁନ୍ଦ୍ରା। ବର୍ତ୍ତମାନ ତାଙ୍କୁ ନେଇ ବଡ ଅପଡେଟ୍ ସାମ୍ନାକୁ ଆସିଛି। ଅଶ୍ଳୀଳ ମାମଲାରେ ରାଜ କୁନ୍ଦ୍ରାଙ୍କୁ ଏବେ ଆଶ୍ଵସ୍ତି ମିଳିଛି। ମେ’ ୨୦୨୨ ମସିହାରେ, ମୁମ୍ବାଇ ପୋଲିସ ଏକ ଅଭିଯୋଗ ଅଶ୍ଳୀଳ ଭିଡିଓ ମାମଲାରେ ରାଜ କୁନ୍ଦ୍ରା ନାମରେ ଆସିବା ପରେ ମନି ଲଣ୍ଡରିଂ ମାମଲାର ତଦନ୍ତ ଆରମ୍ଭ କରିଥିଲା। ଅଭିନେତାଙ୍କ ନାମ ଏହି ମାମଲାରେ ଜଡିତ ହେବା ପରେ ତାଙ୍କୁ ଜେଲ ଯିବାକୁ ପଡିଥିଲା। କିନ୍ତୁ ବର୍ତ୍ତମାନ ଖବର ଆସିଛି ଯେ ରାଜ ଏବଂ ଅଶ୍ଳୀଳ ଭିଡିଓ ମାମଲାରେ ଇଡି କୌଣସି ପ୍ରତ୍ୟକ୍ଷ ସଂଯୋଗ ପାଇନାହିଁ।
ରିପୋର୍ଟ ଅନୁଯାୟୀ, ରାଜ କୁନ୍ଦ୍ରା ଏବଂ ଅଶ୍ଳୀଳ ଭିଡିଓ ମାମଲା ମଧ୍ୟରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ କୌଣସି ପ୍ରତ୍ୟକ୍ଷ ଲିଙ୍କ ପାଇ ନାହିଁ। ୟୁକେ ଭିତ୍ତିକ କମ୍ପାନୀ କେନରିନ୍ର ବିଭିନ୍ନ ବ୍ୟାଙ୍କ କାରବାର ସହ ଜଡିତ ଟଙ୍କା ଟ୍ରେଲ ଉପରେ ଇଡି ନଜର ରଖିଛି ବୋଲି ସରକାରୀ ସୂତ୍ରରୁ ପ୍ରକାଶ।
୨୦୨୧ ମସିହାରେ ରାଜ କୁନ୍ଦ୍ରାଙ୍କୁ ଗିରଫ କରାଯାଇଥିଲା। ପରେ ତାଙ୍କୁ ଜାମିନ ମିଳିଥିଲା। ଏହି ମାମଲା ୨ ବର୍ଷରୁ ଅଧିକ ସମୟ ଧରି ଚାଲିଆସୁଛି। କିନ୍ତୁ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ବର୍ତ୍ତମାନ ରାଜଙ୍କ ଓକିଲ ଏହି ମାମଲାରେ ବିଳମ୍ବ ସମ୍ପର୍କରେ ନିଜର ବିବୃତ୍ତି ଦେଇଛନ୍ତି। କହିବାକୁ ଗଲେ ଜେଲରୁ ଆସିବା ପରେ ରାଜ ଏହି ଘଟଣାରେ ଏକ ଫିଲ୍ମ କରିଥିଲେ, ଯାହାର ନାମ UT 69 । ଏହି ଫିଲ୍ମର କାହାଣୀ ରାଜ କୁନ୍ଦ୍ରା ଜେଲ ଯିବା ଠାରୁ ଆରମ୍ଭ ହୋଇ ଜାମିନ ପାଇବା ପର୍ଯ୍ୟନ୍ତ ଶେଷ ହୋଇଛି।
