ଭୁବନେଶ୍ୱର: କର୍ମଚାରୀଙ୍କ ନାଁରେ ଋଣ ମାମଲା। ସମ୍ବାଦ ଭବନରେ ଦୀର୍ଘ ୧୧ ଘଣ୍ଟା ଧରି ଚାଲିଥିବା ରେଡ ଶେଷ ହୋଇଛି । ମାନବ ସମ୍ବଳ ବିଭାଗର ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଓ ଇଲେକ୍ଟ୍ରୋନିକ୍ସ ସାମଗ୍ରୀ ଜବତ ହୋଇଛି । ଲୋନ ଠକେଇ ଘଟଣାରେ ଇଓଡବ୍ଲୁ ନେଇଛନ୍ତି ଗୁରୁତ୍ଵପୂର୍ଣ୍ଣ ଦସ୍ତାବିଜ । ଏହି ଜେରା ବେଳେ କନକ ଟିଭିର ସମ୍ପାଦକ ମଧ୍ୟ ଉପସ୍ଥିତ ଥିଲେ।
ଏପରିକି ବାହାରିଲା ବେଳେ ନିଜ ମୋବାଇଲରେ କଏଦ କରୁଥିଲେ ସମସ୍ତ ଘଟଣା । ଏହି ଘଟଣାକୁ କଭର କରିବାବେଳେ ନନ୍ଦିଘୋଷ ଟିମକୁ ଦୁର୍ବ୍ୟବହାର କରିଥିଲେ କର୍ମଚାରୀ । ସେପଟେ EOW ଏସପି ଦିଲୀପ ତ୍ରିପାଠୀ କହିଛନ୍ତି- ସବୁ ସିଜର ଲିଷ୍ଟରେ ରହିଛି । ବହୁ ଲୋକଙ୍କୁ ହାଜର ହେବା ଲାଗି ସମନ ଜାରି କରାଯାଇଛି । ସେମାନେ ତଦନ୍ତର ସାମନା କରିବେ । ତଦନ୍ତରେ ବହୁ ତଥ୍ୟ ଲୋକଲୋଚନକୁ ଆସିବ।
