ଖାର୍ତୂମ୍: ଯାନ୍ତ୍ରିକ ତ୍ରୁଟି ଯୋଗୁଁ ରବିବାର ଦିନ ସୁଦାନର ‘ପୋର୍ଟ ସୁଦାନ ଏୟାର୍ପୋର୍ଟ’ରେ ଗୋଟାଏ ବେସାମରିକ ବିମାନ ଦୁର୍ଘଟଣାଗ୍ରସ୍ତ ହେବାରୁ ୪ଜଣ ସୈନିକଙ୍କ ସମେତ ଅନ୍ୟୂନ ୯ଜଣ ବ୍ୟକ୍ତିଙ୍କର ମୃତ୍ୟୁ ଘଟିଥିବା କଥା ସେନା କହିଛି। ସୁଦାନ ସେନା ଜାରି କରିଥିବା ବିବୃତିରେ ଉଲ୍ଲେଖ ଅଛି, ଯାନ୍ତ୍ରିକ ତ୍ରୁଟିବିଚ୍ୟୁତି ଯୋଗୁଁ ‘ପୋର୍ଟ ସୁଦାନ ଏୟାର୍ପୋର୍ଟ’ରେ ଆଜି ଗୋଟାଏ ବେସାମରିକ ଏଣ୍ଟୋନୋଭ୍ ବିମାନ ଦୁର୍ଘଟଣାଗ୍ରସ୍ତ ହେବାରୁ ୪ଜଣ ସେନା କର୍ମଚାରୀଙ୍କ ସମେତ ୯ଜଣ ବ୍ୟକ୍ତି ପ୍ରାଣ ହରାଇଛନ୍ତି।
କିନ୍ତୁ, ଦୁର୍ଘଟଣାଗ୍ରସ୍ତ ହୋଇଥିବା ଉକ୍ତ ବିମାନରେ ଜଣେ ପିଲା ବଞ୍ଚିଯାଇଛି। ସୂଚନାଯୋଗ୍ୟ, ରବିବାର ଦିନ ଦାର୍ଫୁର୍ ଅଞ୍ଚଳରେ ‘ଏସ୍ଏଏଫ୍’ ଓ ‘ଆର୍ଏସ୍ଏଫ୍’ ପରସ୍ପର ପ୍ରତି ରକେଟ୍ ନିକ୍ଷେପ କରି ସଂଘର୍ଷର ୧୦୦ତମ ଦିବସ ପାଳନ କରିଥିଲେ। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ ରକେଟ୍ ମାଡ଼ରେ ଅନ୍ୟୂନ ୧୬ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି।
