ପୁରୀ: ପୁରୀ ଜିଲ୍ଲା ପରିଷଦ ଜୋନ୍ -୧୧ ଉପନିର୍ବାଚନରେ ବିଜେପି ବିଜୟୀ । ବିଜେପି ପ୍ରାର୍ଥୀ ପ୍ରମୋଦ ରାୟ ୧୭୬ ଭୋଟ ବ୍ୟବଧାନରେ ବିଜୟୀ। ବିଜେଡି ପ୍ରାର୍ଥୀ ଭାଗିରଥି ସେନାପତିଙ୍କୁ ହରାଇଲେ ପ୍ରମୋଦ ରାୟ । ଧମେନ୍ଦ୍ର ସାହୁଙ୍କ ମୃତ୍ୟୁ ପରେ ଜୋନ୍୧୧ରେ ଉପନିର୍ବାଚନ ହୋଇଥିଲା । ନିମାପଡ଼ା ନିର୍ବାଚନମଣ୍ଡଳୀର ଗୋପ ବ୍ଲକ୍ ଅନ୍ତର୍ଗତ ୧୧ ନମ୍ବର ଜିଲ୍ଲା ପରିଷଦ ଜୋନରେ ଅନୁଷ୍ଠିତ ଉପନିର୍ବାଚନରେ ବିଜେପି ପ୍ରାର୍ଥୀ ପ୍ରମୋଦ କୁମାର ରାୟ ୧୧୨୪୦ଖଣ୍ଡ ଭୋଟ୍ ପାଇଁ ବିଜୟୀ ହୋଇଛନ୍ତି । ସେ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ବିଜେଡିର ଭାଗିରଥୀ ସେନାପତିଙ୍କୁ ୧୭୬ଖଣ୍ଡ ଭୋଟ୍ ବ୍ୟବଧାନରେ ପରାଜିତ କରିଛନ୍ତି । କଂଗ୍ରେସ ପ୍ରାର୍ଥୀ ପ୍ରତାପ ଚନ୍ଦ୍ର ପ୍ରଧାନଙ୍କୁ ୧୦୨୪ଖଣ୍ଡ ଭୋଟ୍ ମିଳିଥିବାବେଳେ ଅଶୋକ କୁମାର ଦାସଙ୍କୁ ୩୫ଖଣ୍ଡ, ଅଜୟ କୁମାର ଭଟ୍ଟଙ୍କୁ ୯ଖଣ୍ଡ, ବିଶ୍ୱଜିତ୍ ମହାନ୍ତିଙ୍କୁ ୫୮ଖଣ୍ଡ, ସୁବାସ ଚନ୍ଦ୍ର ଜେନାଙ୍କୁ ୨୩ ଖଣ୍ଡ ଓ ଲକ୍ଷ୍ମୀପ୍ରିୟା ଦାସଙ୍କୁ ୯୯ଖଣ୍ଡ ଭୋଟ୍ ମିଳିଛି । ମୋଟ ୨୩୬୫୦ଜଣ ଭୋଟର ନିଜର ମତାଧିକାର ସାବ୍ୟସ୍ତ କରିଥିବାବେଳେ ୨୯୩ଟି ଭୋଟ୍ ନାକଚ ହୋଇଥିବା ଜଣାପଡ଼ିଛି ।
