ଲୁଧିଆନା : ପଳାତକ ଅମ୍ରିତ୍ପାଲ୍ ସିଂହ ସହିତ ଘଟଣାସ୍ଥଳରେ ଫେରାର୍ ସହଯୋଗୀ ଜୋଗା ସିଂହକୁ ପଞ୍ଜାବ ପୁଲିସ ଲୁଧିଆନା ନିକଟସ୍ଥ ସାନେବାଲ୍ରୁ ଗିରଫ କରିଛି । ଅମ୍ରିତ୍ପାଲ୍ ନିଜ ସହଯୋଗୀ ପପଲ୍ପ୍ରୀତ୍ ଏବଂ ଡ୍ରାଇଭର୍ ଜୋଗା ସହ ହୋଶିଆରପୁରରୁ ଫେରାର୍ ହୋଇଯାଇଥିଲା । ନିଜ ମୋବାଇଲ୍ ଫୋନ୍ ନେଇ ଫେରାର୍ ହୋଇଯିବାକୁ ଅମ୍ରିତ୍ପାଲ ଜୋଗାକୁ କହିଥିଲା ।
ପଞ୍ଜାବ ପୁଲିସ ଜୋଗା ସିଂହର ମୋବାଇଲ୍ ଫୋନ୍ ଟ୍ରାକ୍ କରୁଥିବା ଏବଂ ସେହି ଆଧାରରେ ଅମ୍ରିତ୍ପାଲ୍ର ଲୋକେସନ୍ ଟ୍ରାକ୍ କରୁଥିଲା । ଜେରା ବେଳେ ଜୋଗା ସିଂହ କହିଛି, ଅମ୍ରିତ୍ପାଲ୍ ତାକୁ ଫୋନ୍ ଅନ୍କରି ପଳାଇଯିବାକୁ କହିଥିଲା । ପଞ୍ଜାବ ପୁଲିସଠାରୁ ବଞ୍ଚିବା ପାଇଁ ଅମ୍ରିତ୍ପାଲ୍ ଜୋଗା ସିଂହକୁ ଏପରି କହିଥିବା ଏଥିରୁ ଜଣାପଡ଼ିଛି ।
