ନୂଆଦିଲ୍ଲୀ: ଭାରତର ପ୍ରଧାନ ବିଚାରପତି (ସିଜେଆଇ) ଡିୱାଇ ଚନ୍ଦ୍ରଚୂଡ଼ ଗୁରୁବାର ସୁପ୍ରିମ୍କୋର୍ଟ କ୍ୟାମ୍ପସ୍ରେ ନିର୍ମିତ ଯୋଗା ଏବଂ ରିକ୍ରିଏସନ୍ ହଲ୍ରେ ସାଥୀ ଜଜ୍ଙ୍କ ସହିତ କ୍ୟାରମ୍ ଖେଳିଛନ୍ତି । ସିଜେଆଇ ଆଡିସିନାଲ୍ ବିଲ୍ଡିଂ କମ୍ପେ୍ଲକ୍ସରେ ରେଜିଷ୍ଟ୍ରି ଅଧିକାରୀଙ୍କ ପାଇଁ ନିର୍ମିତ ଏହି ହଲ୍ର ଉଦ୍ଘାଟନ ପାଇଁ ଆସିଥିଲେ ।
ଏହି କାର୍ଯ୍ୟକ୍ରମରେ ପ୍ରଧାନ ବିଚାରପତି ଚନ୍ଦ୍ରଚୂଡ଼ଙ୍କ ବ୍ୟତୀତ ଜଷ୍ଟିସ୍ ପିଭି ସଞ୍ଜୟ କୁମାର, ଅହସାନୁଦ୍ଦିନ୍ ଅମାନୁଲ୍ଲାହ, ଦୀପାଙ୍କର ଦତ୍ତା, ପିଏସ୍ ନରସିହ୍ମା, ଅଜୟ ରସ୍ତୋଗୀ ଏବଂ ପଙ୍କଜ ମିଥଲ୍ଙ୍କ ପରି ସୁପ୍ରିମ୍କୋର୍ଟର ଅନ୍ୟ ଜଜ୍ମାନେ ମଧ୍ୟ ଉପସ୍ଥିତ ଥିଲେ ।
