ପୁରୀସଦର:ପ୍ରଥମେ ବିବାହ ପ୍ରଲୋଭନ ଦେଖାଇବା ଓ ପରେ ଦୁଷ୍କର୍ମ କରିବା ଅଭିଯୋଗରେ ଚନ୍ଦନପୁର ଥାନା ପୋଲିସ ରସିକିଆ ପ୍ରେମିକକୁ ଗିରଫ କରି କୋର୍ଟ ଚାଲାଣ କରିଛି । ମାତ୍ର କୋର୍ଟରେ ଜାମିନ୍ ନାମଞ୍ଜୁର ହେବାରୁ ତାକୁ ଜେଲହା ଜତକୁ ସ୍ଥାନାନ୍ତରିତ କରାଯାଇଛି ।ସେ ହେଲା କେନ୍ଦ୍ରପଡା ଜିଲ୍ଲା ପଟ୍ଟାମୁଣ୍ଡାଇର ଚନ୍ଦ୍ରମଣି ଦାସ ।
ପୋଲିସର ସୂଚନାନୁଯାୟୀ, ଚନ୍ଦନପୁର ଅଞ୍ଚଳର ଜଣେ ଦଶମ ଶ୍ରେଣୀ ଛାତ୍ରୀକୁ ବିବାହ ପ୍ରଲୋଭନ ଦେଖାଇଥିଲା ରସିକ । ହେଲେ ପୂର୍ବ ପ୍ରସ୍ତୁତି ଅନୁଯାୟୀ,ଗତ ୧୬ତାରିଖ ଦିନ ଛାତ୍ରୀ ସ୍କୁଲକୁ ଆସୁଥିବା ସମୟରେ ରସିକ ତାକୁ ନେଇ ଫେରାର ହୋଇଯାଇଥିଲା । ଏପରିକିରସିକ ନିଜ ଗ୍ରାମ ଘରକୁ ନେଇ ସେଠାରେ ଦୁଷ୍କର୍ମ କରିଥିଲା ।
ମାତ୍ର ଏନେଇ ଛାତ୍ରୀର ମା’ଥାନାରେ ଅଭିଯୋଗ କରିବାପରେପୋଲିସ ଏକମାମଲା ରୁଜୁ କରି ଘଟଣାର ଛାନଭିନ୍ ପରେ ଛାତ୍ରୀକୁ ଉଦ୍ଧାର କରିବା ସହ ରସିକକୁ ଗିରଫ କରିଥିଲା । ଏନେଇ ଉଭୟଙ୍କ ଡାକ୍ତରୀମାଇନା କରିବା ପରେ ଚନ୍ଦ୍ରମଣିଙ୍କୁ କୋର୍ଟ ଚାଲାଣ କରାଯାଇଛି ।
