ସୁପ୍ରିମକୋର୍ଟ ଜଜ୍ ଦୀପଙ୍କର ଦତ୍ତଙ୍କ ଶପଥଗ୍ରହଣ

ନୂଆଦିଲ୍ଲୀ : ସୁପ୍ରିମକୋର୍ଟର ନବନିଯୁକ୍ତ ବିଚାରପତି ଜଷ୍ଟିସ ଦୀପଙ୍କର ଦତ୍ତ ସୋମବାର ଶପଥଗ୍ରହଣ କରିଛନ୍ତି । ପ୍ରଧାନ ବିଚାରପତି ଜଷ୍ଟିସ ଡି.ୱାଇ.ଚନ୍ଦ୍ରଚୂଡ ତାଙ୍କୁ ଶପଥପାଠ କରାଇଥିଲେ । ଜଷ୍ଟିସ ଦତ୍ତ ଇତିପୂର୍ବରୁ ବମ୍ବେ ହାଇକୋର୍ଟର ମୁଖ୍ୟ ବିଚାରପତିଭାବେ କାର୍ଯ୍ୟ କରୁଥିଲେ । ଜଷ୍ଟିସ ଦତ୍ତଙ୍କ ନିଯୁକ୍ତି ଫଳରେ ସୁପ୍ରିମକୋର୍ଟରେ ବିଚାରପତିଙ୍କ ସଂଖ୍ୟା ୨୮କୁ ବୃଦ୍ଧି ପାଇଥିଲେ ସୁଦ୍ଧା ଆହୁରି ୬ଟି ପଦ ଖାଲିପଡିଛି । ଜଷ୍ଟିସ ଦତ୍ତ ୨୦୩୦ ଫେବୃଆରୀ ୮ ପର୍ଯ୍ୟନ୍ତ ଏହି ଦାୟିତ୍ୱ ତୁଲାଇବେ ବୋଲି ଜଣାପଡିଛି ।