ବିଚାରଧିନ କଏଦୀ ସାଜିଲେ ପୀଡିତାର ବର: ଝାରପଡା ଜେଲ ସାଜିଲା ବିବାହ ମଣ୍ଡପ

ଭୁବନେଶ୍ୱର: ଭୁବନେଶ୍ୱର ଝାରପଡା ଜେଲରେ ଏକ ନିଆରା ଢଙ୍ଗରେ ବିବାହ ଦୃଶ୍ୟ ସମାଜକୁ ଭଲ ବାର୍ତ୍ତା ଦେଇଛି । ନାବାଳିକା ବଳାକାôର ମାମଲାରେ ଜେଲ ଯାଇଥିବା ଅଭିଯୁକ୍ତ ଯୁବକ ଓ ସଂପୃକ୍ତ ପୀଡିତା ପରଷ୍ପରକୁ ଜେଲ ପରିସରରେ ବିବାହା କରି ସାତ ଜନମର ସାଥି ହୋଇଛନ୍ତି । ଯାହାକି ଜେଲ ପରିସରରେ ଗୀତ ବାଜିବା ସହ ପୂଜକଙ୍କର ମନ୍ତ୍ର ପାଠରେ ହାତ ଗଣ୍ଠି ପଡିବାର ଦୃଶ୍ୟ ବେଶ ହୃଦୟସ୍ପର୍ଶୀ ଥିଲା । ସୂଚନା ମୁତାକ ଏକ ନାବଳିକା ବଳାତ୍କାର ମାମଲାରେ ଗିରଫ ହୋଇ ବିଚାରଧିନ କଏଦୀ ଜଟଣୀ ଥାନା ଅଞ୍ଚଳର ଆକାଶ ନାୟକଙ୍କ ଏପରି ନିଆରା ଢଙ୍ଗରେ ଜେଲ ପରିସରରେ ବିବାହା ହୋଇଛି । ବିବାହର ପ୍ରତିଶୃତି ଦେଇ ବିବାହା ନକରିବା ଫଳରେ ନାବାଳିକାଙ୍କ ଅଭିଯୋଗ କ୍ରମେ ଆକାଶ ଗିରଫ ହୋଇଥିବା ପୋସ୍କୋ କୋର୍ଟ ଜାଣିବାକୁ ପାଇଥିଲେ । ହେଲେ ନାବାଳିକା ବର୍ତ୍ତମାନ ସାବାଳିକା ଥିବା ବେଳେ ଉଭୟଙ୍କ ପରିବାର ଲୋକ ରାଜି ହେବା ପରେ ବିବାହ ସ୍ଥିର ହୋଇଥିଲା । ଅଭିଯୁକ୍ତ ଆକାଶ ଓ ପୀଡିତା ସାତ ଜନ୍ମର ସାଥି ହେବାକୁ ନିଷ୍ପତି ନେଇଥିଲେ । ପୋସ୍କୋ କୋର୍ଟଙ୍କ ନିର୍ଦ୍ଦେଶ ଓ କାରାଗାର ବିଭାଗର ଅନୁମତି କ୍ରମେ ଶୁକ୍ରବାର ଜେଲରେ ଓଡିଆ ରିତି ନିତି ଅନୁସାରେ ବିବାହ ସମ୍ପର୍ଣ୍ଣ ହୋଇଥିଲା । ଉଭୟଙ୍କ ପରିବାର ବର୍ଗ ଉପସ୍ଥିତ ରହିବା ସହ ଭୋଜି ଭାତର ଆସର ମଧ୍ୟ ଜମିଥିଲା । ଅଗ୍ନିକୁ ସାକ୍ଷୀ ରଖି ପରଷ୍ପରଙ୍କୁ ଫୁଲ ପିନ୍ଧାଇବା ସହ ବର କନିଆ ମୁଣ୍ଡରେ ସିନ୍ଦୁର ଦେଇ ଜୀବନ ସାଥି କରିଥିଲେ ।